Home Social Aruba ta sclama pa Stop Abuso den comunidad

Aruba ta sclama pa Stop Abuso den comunidad

48
0
SHARE
- Advertisement -

Evento pa concientiza pueblo

ORANJESTAD(AAN):  Aruba ya no ta acepta ningun clase di abuso!  Pesey mes, Diamars atardi riba L.G. Smith Boulevard na altura di e Brug di Lagoen cerca di Wilhelmina Park.

E ora ey tabata tin un momento pa reflexiona pa asina mustra comunidad cu nos no por keda keto mas y haci denuncia di casonan di abuso y violencia.  Y nan lo bay organiza un evento special pa concientiza pueblo.

Tres persona encarga cu e evento cu ta bay tin na e brug ey dia 20 di Augustus venidero nan ta Jeanine Marsman, Magaly  Maduro y Marinus Wegereef.  Nan tabata presente durante e conferencia, unda a reparti cinta biña pa asina demostra nan sosten pa e famia y victimanan mes di casonan di abuso y violencia na Aruba.

E mensahe principal di nan, ta pa Abusonan stop na Aruba.  Esaki ta cubri un spectrum di abuso riba e isla.

DIARIO a nota con nan a pone tambe algun banner na e brug cu e mensahe “Stop Abuso”.

A compronde cu pa haci e concientizacion mas grandi, nan lo tin e.o. T-shirt na benta na e evento, y lo bay tin presentacion di basta banda musical favorito di Arubianonan.  Tambe lo tin persona nan cu ta bay hiba palabra, pa yuda den e concientizacion pa pueblo compronde cu tur hende tin derecho di hiba un bida sin abuso, y pa nan haya e animo pa denuncia casonan.

Tur hende cordialmente invita pa asina contrubui pa e bon causa aki, tur e placa cu ser recauda ta bay pa Fundacion Pa Muhernan den Dificultad.

- Advertisement -

DUNA COMENTARIO

Please enter your comment!
Please enter your name here