Home arte y espectaculo C-Zar Olarte a celebra su fecha natal, cu lanzamento di video clip...

C-Zar Olarte a celebra su fecha natal, cu lanzamento di video clip “Shine E Light”

134
0
SHARE
- Advertisement -

ORANJESTAD  (AAN): Diaranzon dia 8 di Augustus e conocido artista C-Zar Olarte a celebra su fecha natal na Terraza, na ‘The New Olde Molen’.

Aki tambe Olarte a lanza su video clip mas nobo titula: “Shine E Light”.

Durante un conferencia di prensa brinda pa su patrocinadornan y den presencia di su famia y amistadnan, e cancion a wordo presenta na e publico presente.

Tur hende cu tabata na The New Olde Molen a keda impresiona pa e calidad halto di e grabacion y specialmente pa e mensahe positivo di e cancion.

E comentarionan tabata cu ta trata aki di un produccion local di nivel internacional.

E video clip a worod fila pa Louie Henry Films y dirigi pa Ziggy y C-Zar, mientras cu el a wordo produci pa Falco.

E musica a wordo crea pa Kwiss Beats y Twistab Ondabeat, mientras cu esaki a wordo graba den studio di professor MHMG.

Un parti importante di e mensahe di e cancion ta pa hubentud no laga su mes wordo cumpra cu placa facil of palabranan bunita y cu semper mester kere den bo mes, no laga bo mes wordo manipula y nunca perde fe den Dios.

E clip pa varios dia caba por wordo mira riba YouTube.

DIARIO di su banda ta desea C-Zar Olarte tur exito cu e cancion, e clip y tur su futuro proyectonan cu ta na caminda.

- Advertisement -

DUNA COMENTARIO

Please enter your comment!
Please enter your name here