Home Economia CMB Bank a introduci ‘Ban Cobra’ pa paga y cobra Payroll

CMB Bank a introduci ‘Ban Cobra’ pa paga y cobra Payroll

44
0
SHARE
- Advertisement -

Cheque di payroll ta keda pa pasado

ORANJESTAD (AAN): E banco inovativo Caribbean Mercantile Bank N.V. ta introduci e prome tarheta di banco specialmente diseña pa paga y cobra payroll.
Manera conoci, chequenan personal ya caba a keda elimina desde prome di juni 2018, mientras chequenan di compania lo keda elimina dia prome di november 2018. E tarheta nobo BanCobra Payroll Card ta bira e alternativa pa companianan por paga salario mas facil.

E tarheta ta worde facilita na e empleado via e dunador di trabao pa asina e por cobra su salario na un forma mas efectivo y eficiente. Via un pago electronico, sea cu ta pa quincena of pa luna, e usuario tin acceso na su placa uzando e tarheta aki.

Funcion y beneficionan di BanCobra:

E tarheta nobo aki ta trece cu ne bentaha pa e dunador di trabao y empleado na mes momento.

Pa e dunador di trabao, e servicio aki lo ofrece mas siguridad pasobra no lo tin necesidad pa busca placa den efectivo na banco pa paga empleado. Esaki por tuma lugar cu un simpel transfer electronico, directamente riba e tarheta di payroll.

Esaki di su mes ta duna e dunador di trabao un miho bista riba su administracion y na su turno lo contribui na eficiencia di su negoshi. Te hasta por usa BanCobra Payroll Card pa paga un empleado domestico of un bode cu ta traha part-time, pero tambe un stagiaire un of trahado temporal. E ta spaar oranan di trabao pa tur dos partido, paso no mester bay banco mas pa haci tramitenan manera lanta placa of deposita.

CMB tin mas cu 50 machine di ATM den diferente districto di Aruba y esaki ta duna opcion na e empleado pa por cobra su salario ora ta cumbini. Es mas, lantando su placa via un ATM di CMB ta gratis y asina e no mester paga 5.00 Florin mas ora di cobra check na caha.

Na mes momento tambe por escohe pa usa e tarheta den tienda pa haci compras of tambe paga utilidadnan manera coriente, awa y telefon. CMB tin mas cu 2,000 terminal di pago na un cantidad di supermercado, restaurant y pacusnan rond di nos isla.

Sea bo ta un empleado of un dunador di trabao y bo kier sa mas tocante e tarheta aki, chat cu nos via eAmigo Online Assistance na cmbnv.com, eamigo.com, Facebook Messenger of tambe Whatsapp.

- Advertisement -

DUNA COMENTARIO

Please enter your comment!
Please enter your name here