Home Hudicial Costa Rica: Pedofil a haya 111 aña di prison pa viola su...

Costa Rica: Pedofil a haya 111 aña di prison pa viola su propio yiu muher

745
0
SHARE
— El a viola su yiu pa 13 aña largo...
- Advertisement -

ORANJESTAD (AAN): E noticia cu a hala mas atencion internacionalmente e siman aki, ta ora cu un Corte di Husticia na Costa Rica a duna un sentencia pisa riba Diabierna, condenando un homber na 111 aña di prison, debi cu el a viola su yiu muher menor di edad durantemas di un decada, entre 2004 y 2017.  Esey ta loke Ministerio Publico di e pais a confirma.

Fiscal a logra pa Huez condena e homber pedofil Rafael Ommier Taylor pa siete delito di violacion, y 1 delito di abuso sexual, cometi entre 2004 y 2017 contra su mesun yiu muher menor di edad, y pesey Tribunal a condene na 111 aña di prison, pero nan lo bay rebahe na 50 aña, pasobra esey ta e castigo maximo cu Costa Rica por impone.

E investigacion dirigi pa Ministerio Publico a revela cu Rafael Ommier a comete e prome violacion ora cu su yiu muher tabatin 4 aña di edad, y e ultimo el a comete ora e tabata teenager caba y tin 16 aña di edad.  E homber tabata probecha di momentonan cu e ta su so cu e victima, pa viole y abusa di dje sexualmente.

Tabata na September 2017, cu e ruman di e mucha muher a dicidi na divulga na e mama di e violacionnan cu ta wordo cometi, y esey a pone e famia entrega un denuncia, y investigacion a cuminza.

Pueblo di Costa Rica a keda den shock ora cu e informe a sali di e caso di violacion.  Y riba Diabierna cu e sentencia a cay, pueblo ta sinti cu husticia ta husto e biaha aki.

- Advertisement -

DUNA COMENTARIO

Please enter your comment!
Please enter your name here