Home General Creando un mural como tributo na Ski

Creando un mural como tributo na Ski

2451
0
SHARE
— Creando un mural na honor di Ski.
- Advertisement -

ORANJESTAD (AAN): Fundacion Rancho ta bay duna un tributo na honor di Hubert Arrindell, mihor conoci como Ski.

Aruba, un pais di compasion. Diasabra lo duna homenahe na un ser humano. Un persona cu a hiba un bida cu nos nunca lo por compronde. Un bida cu nos ta mira y cu nos ta desea cu nos mes, ni ningun hende cu nos stima mester pasa aden. Pero el a biba asina. Y manera nos por mira den su potret, cu un sonrisa.

— Hubert ‘Ski’ Arrindell.  (1968 – 2018)

Diasabra na Waf, lo tuma lugar e servicio di misa pa cu Ski su entiero. Esaki ta un invitacion na esnan cu lo bini pa acompaña famianan di Ski cu e momento dificil aki y tambe tur esnan cu kier demostra cu nan ta kere den e parti humano di cada un di nos, los di nos escogencianan.

Ban nos tur bisti colorido of manera Ski mes tabata gusta bisti, cu ta un Tshirt cu Aruba riba dje.

Pa e gastonan di entiero ta pidi ayudo di esnan cu por. Por deposita ariba e cuenta bancario di Stichting Rancho, na CMB Bank #63 89 84 08 (ta pidi pa pone den e descripcion cu ta pa ‘Entiero di Ski’).

Tambe si cualkier persona ta desea pa regala flor/krans, si por haci un donacion den su lugar.

— Hopi mirones pa mira e trabao.

DIARIO a compronde cu na Waf, Diasabra na entiero lo tin caha di donacion pa esnan cu ainda kier yuda. Compasion ta importante pa cada un di nos, nos mester dune pa nos ricibie.

Diabierna den area mey-mey di Emanstraat cu Schelpstraat y Weststraat, fotografo di DIARIO a capta momento cu un mural di Ski tabata wordo pinta door di un artista riba un muraya.

DIARIO a tuma nota cu Diabierna atardi tabatin masha hopi hende mes presente pa mira e trabao di pinta e mural aki.  Trafico a hasta stagna un poco, pasobra chauffeurnan ta slow-down pa asina admira e obra di arte aki.

- Advertisement -

DUNA COMENTARIO

Please enter your comment!
Please enter your name here