Home Hudicial Cuerpo policial ta enfoca tambe riba investigacion di “cybercrime” y “crimen digital”

Cuerpo policial ta enfoca tambe riba investigacion di “cybercrime” y “crimen digital”

107
0
SHARE
- Advertisement -

ORANJESTAD(AAN)– Goberno y comunidad mester por conta riba un cuerpo policial cu ta cumpli cu su trabao cualitativamente y profesional. Pa logra esaki den su Informe tocante plannan 2018-2019 KPA a dicidi di amplia e pakete basico di tareanan.

E previsionnan ta encera comunicacion via telefon-(celular) y mas pronto posibel via internet; tambe habri warda di polis den distritonan 24 ora pa dia henter siman, pa por haci denuncia y duna informacion; dunamento di ayudo di emergencia. Esaki ta nifica cu polis na momento di casonan di emergencia (den 80 % di casonan) mester por yega na e sitio den 10 minuut di tempo y actua visiblemente.

Den esaki tin tambe e buskeda di esnan cu ta comete delitonan y crimennan multiple, y mantencion di leynan y reglamentonan; y finalmente ehecucion di tareanan policial den atendencia di desasternan grandi, conflictonan y situacionnan di crisis.

Prioridadnan

En general, pa ehecucion di e prioridadnan ta reserva capacidad. Si desaroyonan actual ta duna motibo pa esaki por ahusta e prioridadnan. Pa tur tema ta conta  cu Division di Informacion y Experticio  ta colecta informacion y analisa esaki y por lo menos un biaha den 3 luna pone esaki disponibel na esnan cu mester tuma decision.

E focus riba comercio cu y contrabando di hende ta dirigi riba facilitacion di inmigracion ilegal, explotacion sexual y di trabao.

E meta ta pa un biaha pa luna tene un control integral riba e posibel lugarnan di keda di inmigrantenan ilegal, di parti colaboradornan di Cuerpo Policial y otro servicionan di gobierno cu poder di control y poder di investigacion riba e tereno aki.

Un minimo di 3 facilitador di imigracion ilegal of di explotacion sexual of di trabao ta wordo deteni pa aña y treci dilanti Ministerio Publico.

Produccion, comercio y importacion y exportacion di droga sintetico y transporte di cocaina y heroina tambe ta wordo atendi.

Por lo menos un biaha pa luna ta wordo teni un accion integral contra lugarnan di venta di hard/softdrugs for di cierto propiedadnan.

Ta tene pa aña un minimo di 3 accion grandi y entrega informacion y completa e accion riba importacion y exportacion di harddrugs, di parti crimen organiza internacional.

Encuanto ciber delincuencia conoci como cybercrime e focus lo ta riba atakenan cyber, pornofrafia infantil, fraude digital y otro criminalitad digital, ademas proteccion di infrastructura di gobierno.

Un minimo di dos colaborador di Cuerpo Policial lo haya educacion tocante deteccion y investigacion di cybercrime.

Ora constata hechonan castigabel cu un componente digital, tur ora proces-verbaal lo wordo traha pa Ministerio Publico (e asina yama strategia di intervencion)

Pa e tema di pornografica infantil lo nombra un coordinador di taskforce ( un taakaccenthouder).

- Advertisement -

DUNA COMENTARIO

Please enter your comment!
Please enter your name here