Home General Diabierna awor lo tin evento anochi na Oranjestad

Diabierna awor lo tin evento anochi na Oranjestad

204
0
SHARE
- Advertisement -

ORANJESTAD (AAN): Diabierna 31 di Augustus Cosecha Oranjestad conhuntamente cu Taste my Aruba ta organizando un biaha mas Under the Stars market.

E edicion aki ta dedica na e musiconan y ta pesey mes Edjean Semeleer lo tey presente conhuntamente cu mas amigo pa asina por trece ambiente e anochi aki. Edjean lo ta cantando bou palo den un seno familiar pa trece un ambiente unico.

Pa locual ta e artesanonan presente lo tin variedad amplio. Productonan cu por encontra e dia aki ta por ehempel cuadranan,  prendanan, productonan traha di glas, koper, klei y mucho mas. Asina aki por reconoce e productonan traha local y por distingui e productonan aki di e producto nan importa. Naturalmente e tienda di Cosecha Oranjestad mes lo ta habri pa e evento aki.

Tambe miembronan di United Farmers Aruba lo ta presente manera UFAruba, Cunucu297, Goshenaruba, 297Farm y Ecolivingaua. Taste my Aruba manera semper lo ta cla prepara cu nan dushi cuminda y bebida criollo.

- Advertisement -

DUNA COMENTARIO

Please enter your comment!
Please enter your name here