Home arte y espectaculo Diasabra anochi ta tuma lugar e concierto ‘Noche de Gloria’ di Samuel...

Diasabra anochi ta tuma lugar e concierto ‘Noche de Gloria’ di Samuel Hernandez

83
0
SHARE
- Advertisement -

ORANJESTAD (AAN): Diasabra nochi, 25 di Augustus, den Cas di Cultura ta bay tuma lugar un concierto di Gospel duna pa Samuel Hernandez, mundialmente conoci pa su varios cancionnan exitoso.

A concierto titula ‘Noche de Gloria’ ta cuminza cu presentacion di Junior Garcia, kende den un entrevista cu DIARIO a splica cu awe ta bay ta un anochi grandi, unda cu lo alaba “e Rey di tur Rey”.

El a splica cu tur cos ta cuminza alrededor di 6’or di atardi cu ‘Red Carpet’, despues di cual Garcia lo duna su presentacion.

Segun Garcia, Hernandez durante su concierto lo administra e publico presente, atendiendo cu nan enfermedadnan mientras cu e ta trece e palabra di Dios padilanti.

DIARIO a entrevista tambe Ezequiel Antony, kende tambe lo duna un presentacion riba stage, mientras cu e tin un bunita CD di gospel na venta.

El a splica cu Hernandez ta un di e cantantenan Cristian di mas grandi den mundo Cristian.

“Tabata algo di Dios berdaderamente, un momento di bendicion, unda cu nos a logra contacto cune, nos a cay den e gracia y nos a pensa di organiza e concierto aki, celebrando loke ta e radio Cristian nobo di Aruba ‘91.5 Conexion Sobrenatural’ y celebrando mi disco compacto nobo como salmista”.

Esaki segun Antony, kende a splica cu Hernandez atravez di su cancionnan ta bay ‘ministra’ y cu esaki ta un bendicion grandi.

E concierto aki cu ta bay ta di 7pm te cu 10pm, ta bay wordo transmiti live pa Tele Aruba y Radio 91.5.

 

- Advertisement -

DUNA COMENTARIO

Please enter your comment!
Please enter your name here