Home Impuesto DIMP ta focus riba e homber chikito pa yuda yena aangifte

DIMP ta focus riba e homber chikito pa yuda yena aangifte

17
0
SHARE
- Advertisement -

ORANJESTAD  (AAN): Una bes cu Departamento di Impuesto registra un persona, e tin cu sa tambe cu durante tur e añanan cu ta sigui, e ta bay keda haya un formulario di declaracion.

Segun Meverly Romano cu ta vocero di DIMP, ta un formulario hopi amplio. E no ta facil. Belasting riba su mes no ta un materia facil y tin persona cu tin dificultad pa yen’e. Pesey ta organisando e campaña aki. E ta algo cu ta bin ta organisa desde 1994. Tin basta tempo caba ta haci’e. Tin clientenan cu ya a custuma caba cu e servicio aki.

E aña aki lo bay haci e campaña aki atrobe durante un siman. Lo bay ta activo den e siman di dia 27 di Augustus y ta bay ta na diferente luga na Aruba.

Dia 27 di Augustus ta cuminsa na MFA na Noord. Despues ta sigui dia 28 di Augustus, na MFA na Savaneta. Dia 29 di Augustus lo bay ta na Teresita Center na San Nicolas. Dia 30 di Augustus lo ta na MFA na Paradera y dia 31 di Augustus lo bay ta na Biblioteca Nacional na Oranjestad.

DIMP kier cumpra un gran parti di Aruba, den diferente bario y districto, pa asina por yega mas cerca of por ta mas cerca di e clientenan na Aruba. P’esey Romano ta extende un invitacion na clientenan, specialmente esnan cu tin necesidad pa yudansa cu e yenamento di e formulario pa acudi libremente na dimp. Ta un servicio cu ta wordo duna completamente gratis y no mester haci un cita pa esey. Ta duna servicio di 8’or di mainta pa 4’or di atardi.

Durante lunch break tambe lo sigui cu e servicio di yenamento. Ta un oportunidad unico. Probecha di esaki.

Tin algun condicion cu e clientenan cu ta acudi, ta pidi nan si ta soltero, e ora DIMP ta pone como condicion cu no por tin un entrada bruto di mas di 75 mil florin pa aña. Si ta parehanan casa, e ta bira 150 mil bruto pa aña. Clientenan cu tin mas hopi cu e sumanan aki na entrada, e ora ta recomenta nan pa acudi cerca un otro persona pa por yuda nan cu yenamento.

DIMP kier capta mas tanto posibel e homber chikito cu tin un entrada simpel, cu tin un entrada minimo, bao di 75 mil. E ora por yuda mas tanto cliente posibel.

CLIENTENAN CU EMPRESA PROPIO

Tampoco no por yuda e clientenan cu tin un empresa propio, of cu ta traha riba nan mes.  Nan tin mas rekisito fiscal pa cumpli cun’e. Manera un doño di un eenmanszaak, tin cu cumpli cu un jaarrekening. E tin cu entrega un cuenta anual. Esey ta exigi mucho mas tempo, full un administracion pa bay yena un jaarrekening y lamentablemente DIMP no tin tanto tempo ey pa yud’e cu esey.

E tipo di clientenan aki, si nan tin necesidad pa esey, lo kier conseha nan pa acudi cerca un consehero of un oficina di accounting, cu por yuda nan cu e parti aki.

Basicamente DIMP ta enfoca hopi mas riba e homber chikito, e pensionado por ehempel, cu tin dificultad pa yena e aangifte. Eseynan ta e grupo cu ta invita pa acudi cerca DIMP. Ta durante un siman so, cual ta cinco dia di trabao. E tempo ta hopi cortico.

Antes tabata tin e campaña durante dos pa tres siman. Pero awor aki a limit’e na un siman so, pasobra DIMP tambe tin hopi proyecto interno andando cu ta rekeri hopi trabao.

Pesey tambe por imagina cu durante e siman of dianan di e campaña ta saca full un team di profesional cu tin cu laga nan trabao diario pa nan yuda, yuda e clientenan cu yenamento di e formulario aki.

Pesey tambe a dicidi e biaha aki na limit’e na un siman so y pesey e recomendacion di DIMP awor aki ta, pa e clientenan for di awo caba, prepara tur e documentonan, pone tur cos cla pa durante e campaña, ya tur cos ta cla. Si tin papel na banco pa pidi, si tin loonopgaf of jaaropgaf pa pidi.

Haci esaki, pasobra awor ta e momento. Durante e dianan di 27 di Augustus te cu dia 31 di Augustus, e ora nan por ta cla. Nan tin tur nan documentonan y yenamento ta bay mas lihe. E cliente por entrega su formulario despues di biaha, na unda cu DIMP ta duna ayudo. E por entreg’e di biaha y e ora ey e ta cla. El a cumpli cu su deber y e por ta liber e ora ey, segun Meverly Romano.

 

- Advertisement -

DUNA COMENTARIO

Please enter your comment!
Please enter your name here