Home arte y espectaculo Documentario di un cineasta Arubiano a gana Premio special

Documentario di un cineasta Arubiano a gana Premio special

247
0
SHARE
- Advertisement -

Bon trabao di Aaron Hose

ORANJESTAD (AAN): Pa hopi aña, centenares di mucha na Aruba a yega di haya les di Tennis, of atende Tennis-Camp, y haya chens di sigui cursonan di e gran Humphrey Hose.

Na Aruba, Humphrey Hose tabata sinonimo di hunga bon tennis. Y grandemente el a sa di contribui pa crece e amor pa deporte di Tennis riba e isla.  Su dedicacion pa hopi tempo a haya admiracion y mas.

Su yiu homber, Aaron Hose a bira conoci awor como un persona cu ta dirigi Pelicula.  Y na aña 2014 el a filma un documentario cu yama “The Sons of Mapes”.

E pelicula ta encuanto Robert Mapes, y e fabuloso team di Tennis cu el a entrena na final di decada di 1960 pa un Universidad chikito na Corpus Christi, Texas.  Hopi di e hungadornan aki a sigui cu un carera profesional den Tennis, y e documentario aki ta encuanto mayoria di ex-alumno di Latino America cu a bin pa un re-encuentro cu Mapes.   Ta parce cu e tabata muriendo, y tur e hombernan aki a bin pa rindi tributo na e homber aki, y pa nan despedi di dje.

E ta un pelicula hopi bunita y yen inspiracion, pa mira con e hombernan despues di 40 aña ta topa bek cu nan coach.  Ta bunita pa mira cuanto amor ta wordo demostra den e pelicula.

E documentario di 14 minuut, a wordo dirigi pa Aaron Hose, cu script di Aaron Hose tambe.  E mes a edita e pelicula.  El a wordo produci door di Aaron Hose y John Schaub.

Tras di camera tabatin Aaron Hose, Rebecca Roos, Leo Aguirre, y John Schaub.

E siman aki, Aaron Hose a bin haya sa cu su documentario “The Sons of Mapes” a logra di bay cu e premio ganador di Documentary, pa e asina yama “Lone Star Regional Sports Emmy Awards”.  Hose a bisa cu el a keda hopi contento cu e premio aki.

E ta comparti su alegria hunto cu su co-productor John Schaub, su casa Brigitte y alavez partner di e compania di produccion 2Hands20Fingers, tambe esnan cu a co-produci Rebecca Roos y Leo Aguirre, y tambe Coach Mapes y su ex-hungadornan di tennis TAMU-CC.

E ta agradecido na su tata Humphrey y su mihor amigo Ken pa e oportunidad pa pasa tempo cu Señor y Señora Mapes, y experiencia nan amor y generosidad.  E ta pidi pa Dios duna nan sosiego eterno.

- Advertisement -

DUNA COMENTARIO

Please enter your comment!
Please enter your name here