Home Impuesto Esnan cu no a paga belasting di auto lo haya 50% di...

Esnan cu no a paga belasting di auto lo haya 50% di boet extra riba e suma cu tin habri

595
0
SHARE
- Advertisement -

Vocero di DIMP

ORANJESTAD (AAN): Meverly Romano, Vocero di Departamento di Impuesto ta indica cu pa e clientenan cu no a haci nan pago di impuesto di vehiculo di motor, ta bay nifica cu dado momento e cliente cu por ehempel a paga su belasting di aña 2018 solamente pa mita aña y su belasting di full e aña ta 300 florin, ta nifica cu e tin un saldo ainda di 150 florin cu ta habri, cu e no a paga.

Ora cu draai e naheffingsaanslag e ta bay haya un cobransa di 225 florin, pasobra cu e cobransa ey lo bay inclui un boet di 50% di e suma di belasting cu ta habri. Esey lo bay aumenta e suma cu e cliente tin cu paga cu ta bay haci cu e ta bay tin un saldo di 225 florin pa paga. Esey ta algo ta bin ta splicando durante aña pasa y e aña aki. Awor aki e momento a yega.

Awor aki ta bezig cu e ultimo testnan pa loke ta trata e cobransa y Romano ta recomenda ainda, clientenan cu no a haci e pago di 2018, pa haci’e awor ainda pasobra una bes cu draai e naheffingsaanslagnan aki, cu e cliente ta bay haya 50% di boet extra riba e suma cu e tin habri y e ta bay nifica cu e lo mester bay paga mas.

No ta algo cu lo kier pa e clientenan, pero tin cu compronde cu awor aki ta na Augustus. E clientenan a haya suficiente tempo cu nan por a cumpli cu nan pago. Lamentablemente esey no a sosode, pa e 24% cu falta y ta bay yega un momento cu e clientenan aki e ora lo bay ricibi e cobransa adicional.

Pa loke ta trata e cifranan, pa e categoria di mas grandi cu tin, cu ta e categoria di plachi A, tin un total di 17759 plachi cu no ta paga. Awo tin 17.759 auto cu tin un plachi A cu no ta paga. Esey ta 24% cu ta un cantidad hopi halto.

Un otro categoria cu ta resalta, cu tin 20% cu no tin pago ta e Busnan, e categoria di plachi B, cu tin 20% cu no ta paga. E trucknan di diesel, tin 22% cu no ta paga. E brommernan tin 19% di e plachinan MFA cu no ta paga. Esnan cu ta core cu un plachi personalisa, esta “naamplaten”, tin un total di 27% no ta paga. Plachinan di number O y T, O tin 28% cu no ta paga. T ta 24% no ta paga. Trucknan TR, 22% no ta paga. TX tin 17% no ta paga. Den e categoria V-car, Esta plachinan V, 29% den e categoria aki cu no ta paga. En total tin 24% di non-compliance, esta persona of instancianan cu no a cumpli cu pago di numbernan di auto. Esaki ta bira un total, den tur e categorianan 20.324 plachi cu tin registra no a cumpli debidamente na e momentonan aki of no tin e belasting completamente paga pa loke ta trata 2018.

Si acaso e grupo aki no haci ningun pago, esaki lo nifica cu Departamento di Impuesto pronto lo bay saca riba 20 mil cobransa adicional pa e clientenan aki, cu lo bay nifica tambe cu nan ta haya un boet di 50% di e suma di belasting cu nan tin habri.

Esaki ta algo pa tur automobilista cu nan sa cu na e momentonan aki nan no a cumpli cu e pago, pa nan toch reflexiona un rato, para keto un rato y realisa cu e number di auto, e belasting aki mester wordo paga. Pesey un biaha mas, ta haci un apelacion na e clientenan aki pa evita paga mas y dimas. Evita e boet di 50% cu ta bay bin den e naheffingsaanslag. Ainda tin chens den e dianan aki prome cu draai e cobransanan, segun Meverly Romano.

 

 

- Advertisement -

DUNA COMENTARIO

Please enter your comment!
Please enter your name here