Home Tempo Expertonan ta spera cu lo tin menos Horcan pronostica pa 2018

Expertonan ta spera cu lo tin menos Horcan pronostica pa 2018

57
0
SHARE
- Advertisement -

ORANJESTAD (AAN): Colorado State University a caba di saca un pronostico revisa pa Temporada di Horcan 2018.  E ta completamente otro di loke hende a bin ta plama riba Social Media.

Nan ta calcula cu lo bay tin menos Horcan pa 2018, y pa esaki tin varios motibo pakico nan a saca nan conclusion.

Tin biento fuerte (strong wind shear) e lunanan aki den Caribe, y aire ta hopi seco.  Combina esaki cu lama cu ta mas frieu cu normal.  Tur esaki ta produci menos Horcan cu e promedio den area di Atlantico.

Nan ta pronostica cu solamente 5 Horcan lo por spera e temporada aki.  En total 12 tormenta cu ta haya nomber.  (Esaki ta inclui e Tormenta SubTropical Alberto, Horcan Beryl, y Horcan Chris cu ya a pasa).  Y solamente 1 Horcan lo bay ta di Categoria 3 of mas halto.

E cantidad promedio di tormenta cu haya nomber ta 12, basa riba e data di 1981 te cu 2010.  E cantidad promedio di Horcan ta 6, y promedio di 3 Horcan grandi.  Esaki nifica cu pa 2018, e pronostico ta menos cu e promedio.

Aunke cientificonan ta spera actividad Tropical cu ta menos cu e promedio, ta importante pa bo keda prepara como cu bo djis mester di un solo tormenta cu subi tera, pa asina causa daño y herida.

 

- Advertisement -

DUNA COMENTARIO

Please enter your comment!
Please enter your name here