Home Politica Gobierno ta bisa cu consehonan di CAft ta positivo riba finanzas di...

Gobierno ta bisa cu consehonan di CAft ta positivo riba finanzas di Aruba

32
0
SHARE
- Advertisement -

ORANJESTAD (AAN): Den corto, Gobierno ta bisa cu e cifranan di e di dos cuartal di 2018, ta dentro di e norma nobo di deficit.

Gobierno di Aruba a ricibi un bon conseho di e Colegio di Supervision Financiero di Aruba, CAft rib’e segundo kwartaal di 2018. E conseho riba e prome kwartaal tambe ta positivo.

Segun presupuesto, e deficit pa 2018 mester ta 3%. Segun CAft, si Gobierno di Aruba sigui asina, sigur lo logra e norma nobo aki.

CAft ta remarca si cu e ley cu Gobierno anterior a introduci ainda ta stipula cu pa e aña aki no mag tin deficit sino un surplus di 0.5%.

Sinembargo, e cifranan real a mustra cu Gobierno anterior a laga un deficit grandi atras y e norma a worde ahusta na 3% cua ta e norma cu Parlamento a aproba den desviacion di e ley di CAft. Pues ta e unico norma valido.

Cu hopi satisfaccion Gabinete Wever-Croes ta constata cu CAft tambe ta conclui cu nos ta bayendo den e bon caminda.

CAft ta conclui den su conseho publica siman pasa cu e Gobierno aki ta cumpliendo cu e mision di rescata nos pais financieramente di e abismo cu Gobierno anterior a lag’e. Aki aya tin detayes pa coregi pero, den lineanan grandi nos ta dentro di e deficit financiero cu nos a palabra. Poco poco pero sigur Gabinete Wever-Croes ta logra e progreso y bienestar pa tur ciudadano di nos pais.

 

- Advertisement -

DUNA COMENTARIO

Please enter your comment!
Please enter your name here