Home Social ‘Healthy Kids Camp’ organiza pa Miss Aruba World 2018 tabata un exito...

‘Healthy Kids Camp’ organiza pa Miss Aruba World 2018 tabata un exito total

14
0
SHARE
- Advertisement -

ORANJESTAD (AAN): Miss Aruba World 2018 esta Nurianne Arias Helder ta den preparacion pa Miss World venidero. E competencia di Miss World lo tuma lugar pa un luna largo, di November pa December 2018 na Sanya, China. E eleccion final lo tuma lugar dia 8 di December 2018.

Un gran parti di e competencia di Miss World ta e seccion di ‘Beyesa cu Proposito’. Esaki ta encera cu e participante ta scohe un causa social cu e lo traha y boga p’e na Aruba. E candidata ta organiza un proyecto social na beneficio di su pais.

Den e caso di Miss World Aruba 2018 Nurianne a scoge pa e causa di: Derecho pa salud di un y tur. Nurianne ta boga pa tur hende tin e derecho na acceso na cuido di nan salud pero specialmente nos muchanan.

Como parti di su proyecto di ‘Beyesa cu Proposito’ Nurianne a cuminsa na organiza un camp, ‘Healthy Kids Camp’ cu e meta pa educa e muchanan riba diferente topico importante pa concientiza nan pa cu e cuido di nan salud. Un total di mas cu 40 mucha a participa den e camp aki cu tabata yena cu diferente actividad di dia 30 di Juli 2018 te cu 3 di Augustus 2018.

E actividadnan a encera, nutricion y actividad fisico cu IBISA, Actividad di Nutricion cu Pediasure (Medicosmetics), Yoga cu Señora Carolien Gaarthuis, chequeo di bista cu Kok Optica y rondleiding, cultivacion y plantacion pa cuminda saludabel y propio cultivo na Santa Rosa. Pero tambe les di baile y zumba cu ‘Youth in action’. Pues e muchanan a siña diferente aspecto di salud y di cultivacion.

Na final di e camp esta diabierna, tur mucha a presenta kico nan a siña durante e siman na e mayornan y prensa. Nan a presenta esaki via poster cu nan mes a pinta y pa medio di un show di baile y actuacion. E dos gruponan di mucha di edad 6 te cu 11 a presenta nan poster y splica kico nan a siña y e grupo di e muchanan di 12 y 13 aña a duna un show di actuacion contra ‘bullying’ c u ta parti di salud mental. Tambe e grupo aki a presenta un baile pa inspira e publico pa semper ta positivo y apoya otro.

Miss Aruba World 2018, esta Nurianne Arias Helder ta gradici tur esnan cu a haci e camp aki posible, esta directiva di Neptali Park, Señora Cenia di Neptali Park, Mr. William Cheng di NG Supermarket y Chengs Supermarket, Señora Susana Maduro di Setar N.V., Andina Ice, Dyon Center, Fundacion pa nos Comunidad, Manrique Capriles specialmente Srta. Jennifer Lopez, Compra Aruba Señora Detty, Panaderia Moderna specialmente Señora Edith, Sr. Frans Kok y Señora Charles Croes di Kok Optica, Señora Carolien Gaarthuis pa cu e yogalesnan, IBiSA Aruba, Srta. Ichelle Simon di Pediasure (Medicosmetics), Santa Rosa specialmente Sr. Randy Maduro y Señora Natalie Maduro, Chef Angelo Figaroa, Señora Jacky Boekhouwer di Aruba Fantasy Tours, Fofoti Tours Aruba, Señora Ella Yarzagaray di Ger Gift Store, UNOCA Aruba y Srta. Samira y Srta. Sabrina di Youth in Action.

Miss World Aruba 2018, esta Nurianne Arias Helder a logra recauda 15.328 Florin (cu ta $ 8.758,86) pa por a organiza y realisa e ‘Healthy Kids Camp’ cu ta parti di su proyecto di ‘Beyesa cu Proposito’ (Beauty with a Purpose project)

Miss World Aruba ta gradici ‘Star Promotion Organization’ pa e apoyo brinda pa cu e proyecto aki. E ta gradici tambe tur leidster di ‘Healthy Kids Camp’ esta, Srta. Jeanique de Palm, Srta. Claudia Diaz, Señora Debra Boekhoudt, Srta. Sarah van der Steen, Srta. Karen Ann Odor. Tambe ta gradici Richard Jacobs di ‘Jacobs Advertisement and Production’, tur boluntario cu a contribui, tur mayor cu a brinda nan confianza y permiti nan yiu participa, miembronan di prensa cu a bay presencia y cubri e ultimo dia di camp y sigur sin lubida, Aruba completo pa e apoyo.

Aruba completo ta invita pa sigui tur paso di Miss World Aruba via Facebook; ‘’Miss World – Aruba’’. Esaki ta pagina oficial di Miss World y ta sumamente importante cu e participante ta ricibi apoyo di Aruba via e pagina aki. Tambe ta invita Aruba compoleto pa download e aplicacion ‘Mobstar’.

E aplicacion aki ta worde uza como aplicacion oficial di medio social pa Miss World. E ta sumamente importante pa ricibi apoyo via e aplicacion aki di pueblo di Aruba. Tur instruccion riba uzo di e aplicacion aki pa/cu apoyo por worde haya riba e pagina ‘’Miss World – Aruba’’. Ta gradici Aruba di antemano pa e apoyo y sostén na Miss World Aruba 2018.

 

- Advertisement -

DUNA COMENTARIO

Please enter your comment!
Please enter your name here