Home Noticia Internacional Huez a duna OK pa Merca tuma Citgo Petroleum Corp den beslag

Huez a duna OK pa Merca tuma Citgo Petroleum Corp den beslag

57
0
SHARE
- Advertisement -

ORANJESTAD (AAN): Un informacion cu Diahuebs anochi a circula, y publica door di Wall Street Journal su website, ta mustra cu un Huez Federal Mericano a duna autorizacion pa tuma Citgo Petroleum Corp. den beslag, como pago di un debe di Gobierno Venezolano.

E decision aki lo por pone un monton di hende y companianan cu Venezuela debe, core haci tramitenan den pura pa asina haya control di e unico posesion capital Venezolano cu tin na Merca.

Huez Leonard P. Stark di US District Court na Wilmington, Delaware a emiti e sentencia riba Diahuebs.  Pero su decision completo, cu por inclui ki tipo di condicion por impone riba e asunto legal, a wordo seya.

E decision di Corte ta pone awor den spotlight, cu Petroleos de Venezuela SA di Venezuela (PDVSA) lo perde control di un posesion capital balioso net awor cu e pais ta pasando den crisis economico y politico.  E decision por wordo apela ainda den Corte Superior Federal.

E caso originalmente a wordo carga door di Crystallex International Corp., un ex-compania di Mina di Oro di Canada, cu a trata di haya su placa for di derechonan perdi di traha riba Mina pa Gobienro Venezolano.  Nan a mik riba Citgo, pasobra e ta e posesion capital di mas grandi cu Venezuela tin na Merca.

Tin hopi otro compania (como 43) tin cu tambe ta buscando di pone beslag riba Citgo, pero Crystallex ta e prome cu a gana e autorizacion pa haci esey.  E decision di Huez na fabor di Crystallex ta pone tuma control di accionnan di e compania madre di Citgo estableci na Merca, y esey lo ta e prome paso pa benta di e compania.

Venezuela y diferente entidad estatal hunto tin como $62 biyon di bono insigur cu nan debe, cu como $5 biyon di interest y principal cu no a wordo paga.

Analistanan ta calcula cu Gobierno Venezolano tin como $150 biyon den debe habri rond mundo.

Pa Venezuela, e perdida di Citgo lo por perhudica e unico fuente di ganashi di petroleo cu nan tin, esta Merca.   Si acaso PDVSA perde Citgo, e compania Petrolero Venezolano lo tin poco incentivo pa sigui paga e debenan.

Tumamento di beslag di Citgo lo por perhudica tambe e progreso y desaroyo pa e futuro rehabilitacion di refineria na San Nicolas, Aruba tambe.

- Advertisement -

DUNA COMENTARIO

Please enter your comment!
Please enter your name here