Home Noticia Internacional Medaya y banda presidencial di Bolivia, horta y recupera den menos di...

Medaya y banda presidencial di Bolivia, horta y recupera den menos di 24 ora

13
0
SHARE
- Advertisement -

Un militar mester a hiba e simbolonan historico di gobierno boliviano pa un desfile di Forzanan Arma, pero esakinan a wordo horta y e ladronnan a dicidi di entrega nan bek den menos di 24 ora despues.

Bolivianonan a keda impacta pa e noticia cu e medaya presidencial, simbolo di poder democratico y un di e patrimonionan historico mas valioso di e pais a wordo horta.

Diamars anochi e homber, un militar hoben, mester a hiba e medaya, hunto cu e banda y e baston di mando presidencial, den un vuelo comercial regular, pa Cochabamba, unda e dia siguiente lo keda realiza un desfile militar como homenage na aniversario di Forzanan Arma y unda president di e pais, Evo Morales mester a bisti y cara e simbolonan di su mando.

Como su vuelo a keda retrasa pa un par di ora, e militar hoben a sali di aeropuerto y a bay na un casi di muhernan di bida den cercania, drenta un di nan y laga e maleta cu e medaya y banda cu baston den auto.

Ora el a bolbe el a ripara cu porta di e auto a keda forza y cu e maleta no tabata na su lugar.

Tur esaki a bira conoce debi na declaracion di e individuo na polis poco prome cu el a keda deteni pa negligencia den cumplimento di su deber. Ministerio di Defensa di Bolivia a habri un investigacion mes ora..

Ayera merdia e ladronnan a debolbe e botin laga tur cos den un tas y den un yamada anonimo a pone polis na altura.

E medaya presidencial ta conoci como “Medaya di Bolivar” pasobra el a wordo crea na 1825 riba orden di Congreso Constituyente boliviano pa wordo colga na garganta di e Libertador.

Despues di su morto e medaya a wordo debolbi na Bolivia cu a bolbe regala esaki na un di nan tatanan fundador “Andres de Santa Cruz”. Finalmente el a converti den un simbolo presidencial. Algun di e mandatarionan no kier a debolbe, pero al final mester a haci esaki. Na 1922 a haci un evaluacion di su estado y a dicidi di restaur’e por completo.

Despues di decadanan di rumornan di su mal uso, un auditoria nobo a keda realiza na principio di e siglo aki y e conclusion ta cu el a keda manteni intact desde su restauracion y su costo material ta calcula na 300mil dollar; sinembargo, ya cu algun di su partinan a drumi riba pecho di Bolivar y decenas di president boliviano y cu el a acompaña actonan historico di tur tipo, berdad ta cu e medaya ta invaluable.

- Advertisement -

DUNA COMENTARIO

Please enter your comment!
Please enter your name here