Home Comentario Mi ta sinti cu na Aruba e ‘infidelidad matrimonial’ mester por ta...

Mi ta sinti cu na Aruba e ‘infidelidad matrimonial’ mester por ta kibrando record

50
0
SHARE
- Advertisement -

Opinion Publico

ORANJESTAD (AAN): Un ciudadano a trece dilanti, cu un topico cu semper ta bin dilanti na nos seccion ta esun di infidelidad matrimonial y e problemanan cu e ta trece cune ya cu continuamente varios caso lamentable ta presenta riba social media e ultimo simannan.

Pa bo ta un bon ciudadano, bo mester por scucha ambos banda defende nan punto di bista lo mihor posible, aunke ta bon pa reconoce eror tur banda.

Mayoria caso ta trata di esposo y esposa casa pa un par of hopi aña, pero cu aparentemente un of tur dos a lubida cu dia di  matrimonio ambos a duna un palabra di fidelidad.

Ora cu un di e pareha cuminza fada di e abusonan, infidelidad, maltrato sea e pareha muher of homber cu te hasta a yega soporta golpi, masha lige promesanan di fidelidad ta ser lubida.

Ora cu un hende muher of hende homber casa tin yen di problema conjugal nan por ‘cai’ facil y kere palabranan y promesanan bunita dirigi na nan.  Pa un hende cu ta yen problema matrimonial caba, cu yiunan chikito cu apenas por compronde kico ta pasando rond di nan, anto mama of tata bay drenta un otro relacion a causa di palabranan bunita, kier meen problema ta bira mas grandi.

Ser fiel ta nifica: Respeta e palabra cu a ser duna.  Actua semper y constantemente en virtud di principionan di cual nan importancia a ser reconoci di un biaha y pa semper. Bon principio no ta cambia.

Den e bida matrimonial esaki ta nifica pa ambos banda esforza di henter curazon pa asina conserva e confianza di pareha.

Mester lamenta cu awendia e sentimento di fidelidad a para bira un wega tras di lomba di e pareha cu ta bira victima di infidelidad.

Matrimonio monogamo ta hancra profundamente den e curazon di cantidad di hende homber y hende muher.

Dios a duna e hende homber cu El a crea un hende muher so, si E tabata kier a dune mas lo El a haci esey tambe, y a crea mas hende muher pa e homber, pero Dios a dune un hende muher so !

Anto aki e problema di mayoria ser humano ta cuminza, ora cu un di e pareha casa ta nota e comportacion straño di su casa na cas, instinctivamente e ta cuminza sospecha algo, problema ta cuminza.

Cu e homber of muher cu diripiente a enamora di otro persona te comete adulterio, lubidando cu e tin su casa, ta algo cu a para bira un custumber, y pa hopi hende el a para bira algo normal.

E hende ta auto-sugestiona su mes cu adulterio of fornicacion ta algo bon, pasobra cantidad di hende ta hacie, pakico ami no ?

Tentacionnan semper lo tey den tur forma, no solamente entre parehanan den matrimonio, pero den hendenan di puestonan di importancia y di situacionnan cu ta rekeri di fidelidad y lealtad.

Pakico, anto tin tanto problema entre mayoria pareha awendia ?  Pasobra e sentimento puro y limpi di fidelidad no tey y hasta si un di e pareha casa no a bay cama mes cu un otro persona, pero a alimenta e deseonan pecaminoso y malicioso aki, e tin problema cu su consenshi y ta afecta, esposa, yiunan y tur hende rond di dje.

E bida entre pareha si no bin cambio favorable ta bira un berdadero fierno na unda cu e yiunan ta hiba e parti peor.

E ciudadano a finaliza bisando, cu esaki ta e comehein cu tin den nos comunidad awendia y cu ta afecta y debilita miles di hogar na un manera silencioso y hopi biaha tambe na nivel publico escandaloso.”

- Advertisement -

DUNA COMENTARIO

Please enter your comment!
Please enter your name here