Home Gobierno Minister Dangui Oduber a tene encuentro cu CEO nobo di AHATA

Minister Dangui Oduber a tene encuentro cu CEO nobo di AHATA

19
0
SHARE
- Advertisement -

ORANJESTAD  (AAN): Recientemente minister di turismo Dangui Oduber a ricibi bishita oficial di CEO nobo di AHATA señora Tisa La Sorte.

Durante e encuentro ameno aki a combersa riba diferente topico nan riba e area di turismo cu ta di suma importancia pa Aruba. Entre otro, a toca e tema di e “Aruba Certification Program”. E programa di certificacion aki ta pa garantisa un nivel di servicio halto y conocemento esencial di nos isla.

E programa su contenido ta basa riba historia di Aruba, turismo, naturalesa, cultura y percura pa servicio excelente, pues un programa sumamente importante pa e nivel di servicio di nos pais y cu sigur ta forma parti di e vision di minister di turismo. Tambe, a toca e tema di Aruba Hospitality & Security Foundation.

Ta trata di un comision di seguridad estableci door di AHATA cu e proposito di atende cu e inseguridad den e sector turistico. E mision di e comision aki ta pa constantemente desaroya y facilita inicitativanan pa mantene Aruba safe. Seguridad di nos turistanan di suma importancia pa nos turismo. A combersa tambe riba diferente desaroyonan pendiente pa Aruba.

Minister Dangui Oduber a sigura di lo bay sigi mantene comunicacion estrecho entre Gobierno di Aruba y AHATA pa asina sigi mehora nos turismo. Un reunion sigur hopi ameno y fructifero cu ta crea un base solido pa traha hopi di serca cu otro y asina mehora turismo di nos pais.

- Advertisement -

DUNA COMENTARIO

Please enter your comment!
Please enter your name here