Home Parlamento Parlamentario Richard Arends ta haya cu Gobierno mester duna claridad riba presupuesto...

Parlamentario Richard Arends ta haya cu Gobierno mester duna claridad riba presupuesto 2018

48
0
SHARE
- Advertisement -

ORANJESTAD (AAN): Gobierno mester presenta na Parlamento un relato riba ehecucion di presupuesto 2018 di acuerdo cu un mocion aproba unanimamente durante tratamento di presupuesto 2018.

Den su conseho riba ehecucion di e di dos cuartal di 2018, CAft atrobe ta bisa cu presupuesto 2018 no ta cumpli cu normanan stipula pa ley di supervision financiero. “Nos tur por corda cu pa aña 2018 Gobierno a haya un espacio financiero di 155 miyon di Florin adicional ora cu a pone e normanan stipula pa ley un banda.

Den e rapport por lesa cu resultado di e sector colectivo pa e di dos kwartaal lo mustra cu e deficit lo empeora pa aña 2018. Mientras cu Gobierno a sali den medionan di prensa ta felicita nan mes, fraccion di AVP ta ansioso pa sa con lo mantene su mes na a palabracionan haci cu Hulanda.

Despues di a pone e norma di un surplus di 0.5% pa aña 2018, lo ta inacceptable cu no ta cumpli cu e recomendacionan duna, segun Parlamentario Richard Arends. “Ainda Gobierno no a mustra intencion di bin cu un cambio di ley di presupuesto 2018 pa incorpora e recomendacionan di CAft”.

Gobierno den su totalidad lo ta den Parlamento pa duna cuenta riba e.o. e plan di ehecucion di reduccion gasto di personal, cu mester worde baha cu 12.2 miyon Florin. Den su conseho CAft a bisa cu nan no a mira ningun accion ainda den e direccion ey. Tempo ta pasando y lo bira hopi mas dificil pa logra esaki.

Nos por a tuma for di februari 2018 nos ta papiando riba e tema aki unda e cantidad di personal a subi cu 100 persona. No tin transparencia pa loke ta trata e cantidad di personal cu a worde emplea despues di e ultimo informe cu nos a ricibi di Gobierno na inicio di aña.

CAft ta comparti nos preocupacion tambe unda cu tin tur indicacion lo sobrepasa e 12.2 miyon cu a worde presupuesta pa personal e aña aki. Esfuerzonan pa reduci gasto di personal ta worde benta afor, segun Parlamentario Richard Arends di fraccion di AVP.

No por keda sin menciona cu  e rapport di CAft riba e di dos cuartal tabata den dominio publico caba for di siman pasa hopi prome cu Gobierno a entrega e informe na Parlamento. Parlamentario Arends ta lamenta e desaroyo aki unda cu ta falta respet na e instituto Parlamento. Segun Arends, lo tabata na su luga cu Parlamento haya e uitvoeringsrapportage aki prome for di Gobierno, manera a sosode den pasado y no via medionan di comunicacion.

Resultado di e cuentanan anual di 2017 ta mas abou cu e presupuesto 2018 y si nos sigui linea di e consehonan CAft, esaki ta encera cu e deficit di presupuesto 2018 mester ta mas abou ainda di loke a worde presupuesta, cual ta un diferencia di mas o menos di 30 pa 35 miyon Florin. Sinembargo CAft no a elabora riba e aspecto aki y pero ta spera di tin mas claridad riba esaki na momento cu CAft duna su conseho riba cuenta anual 2017.

Tambe nos ta sperando pa haya claridad riba presupuesto 2019. Dia prome di september e lo mester a worde entrega na Parlamento. Nos a tuma nota di declaracionnan di Gobierno cu esaki lo no ta e caso.

Ademas di esaki, mester bin cu un cambio di presupuesto 2018 pa incorpora e recomendacionnan nobo, manera CAft a señala. Presupuesto 2019 mester demostra con ta reduci e deficit cu 130 miyon mas compara cu 2018. Nos ta spera di haya claridad di esaki diahuebs awo cu e reunion cu Gobierno.

 

 

- Advertisement -

DUNA COMENTARIO

Please enter your comment!
Please enter your name here