Home Noticia Internacional Parlamento venezolano preocupa despues di incautacion di CITGO

Parlamento venezolano preocupa despues di incautacion di CITGO

188
0
SHARE
- Advertisement -

ORANJESTAD(AAN)– Parlamento venezolano a expresa ayera su “preocupacion” despues cu un huez Americano a autoriza incautacion di Citgo –filial di PDVSA na merca, na fabor di e compania minera Crystallex cu a reclama di Venezuela 1400 miyon dollar  debi na nacionalizacion di su negoshinan.

“Esaki no ta algo cu nos ta mira cu emocion , sino tur lo contrario, cu hopi preocupacion y consternacion, no solamente cu ta trata lo presente di venezolanonan, sino tambe di future di proximo generacionnan”, diputado Juan Andres Mejia, miembro di comision di finanzas di Camara  a bisa den un conferencia di prensa . Crystallex, di capital canades, ta reclama  Venezuela 1.400 miyones dollar por e expropiacion na 2011 di su minanan di oro las Cristinas, un di e depositonan mas grandi di mundo, den estado Bolivar na parti zuid na frontera cu Brazil.

Un año despues cu Venezuela a cancela participacion di Crystallex den e proyecto, gobierno a anuncia cu nan a bay di acuerdo cu e corporacion estatal chines di inversionnan, Citic Group pa desaroya e mina di cual lo por saca mas omenos 13 miyon onza di oro segun estimacion .

Mejía a bisa cu e placa cu Crystallex ta reclama ta un cifra masha importante y cu lo laga Venezuela den bancarota si suma esaki na e mas di 9 mil miyon dollar.

Mejia a bida cu t aprobable cu PDVSA ta bay apela e decision di huez.

Su compañero di comisino, legislador Angel Alvarado a lamenta cu gobierno di President Maduro cu a Sali ileso di un atentado cu explosivo casi un siman pasa, ainda no a pronuncia su mes tocante e caso.

El a recomenda gobierno pa demostra na husticia Americano du PDVSA no ta un “alter ego” di Venezuela sino un empresa di e nacion.

 

- Advertisement -

DUNA COMENTARIO

Please enter your comment!
Please enter your name here