ORANJESTAD(AAN): Diahuebs anochi na Tanki Leendert un dama a hinca su mes den garganta. Tabata algo prome cu 8:00 pm, cu Polis a wordo yama pa un caso di tiramento, y un dama ta herida y cu problema di hala rosea.
Polis a yega pero ya e muher a bay Hospital caba. Di hendenan eybanda a compronde cu no ta trata di caso di tiramento, pero problema di pareha y na final e dama a hinca su mes gravemente den garganta, y herida tabata sangra profusamente.
Autoridad Forensico a ser pidi pa presenta na e lugar pa recoge evidencia den e apartamento. Polis a haya e cuchio, y Hospital tambe a avisa autoridad cu un dama herida a yega y nan no sa si e tin un tiro of un hinca.
Polisnan a bay te Hospital pa asina mira e situacion. Recherche awor a tuma e investigacion over, pa sa si berdad e dama a hinca su mes of ta otro asunto.
