Home Parlamento Plan completo laga atras cu por a reduci prijs di awa cu...

Plan completo laga atras cu por a reduci prijs di awa cu 33% y di coriente cu 16%

241
0
SHARE
- Advertisement -

Parlamentario Mike de Meza

ORANJESTAD (AAN); Segun Parlamentario Mike de Meza di AVP: “Ora cu nos a drenta Gobierno nos a bisa cu pa e parti energetico, mirando e direccion cu mundo ta bayendo, nos lo mester haci cierto cambionan. E tabata un plan total di dos componente consistiendo di “demand” y “supply”.

E “supply” ta e produccion di e energia y awa potabel. A dicidi di haci diferente cos y un ta sigui upgrade e operacion di WEB for di e sistema convencional pa bay na sistemanan hopi mas eficiente, manera e recip engine y seawater reverse osmosis cu a pone tambe cu na aña 2012 por a baha e prijs di awa cu 33% y prijs di coriente cu 16%.
Mientras ta haci esey, cambiando e sistema, bo ta traha riba e pakete pa bay den direccion di energia alternativa. E solo y biento tin energia cu por worde converti pa produci awa potabel y energia electrico. Esey nos a haci y a traha diferente proyecto.

Den e transcurso pa bay 100% riba energia alternativo, bo ta cuminsa tambe pa converti e heavy fuel oil cu tin 3% di sulfur pa LNG cu ta gas natural.

E beneficio cu gas natural ta duna bo den esaki ta cu e ta mas barata, e ta menos costoso pa mantencion y pa operacion e ta hopi mas eficiente pero ora cu bo ta papia di emisionnan di por ehempel di loke nan ta yama SOX (Sulfur), bo ta baha esaki cu casi 99%, pasobra e no tey den e gas natural, of e rastro masha tiki mes.

E mesun cos ta conta pa SO2 cu ta e carbon footprints cu ta worde baha cu 2% minimalmente.

E otro efecto sigur cu ta beneficioso ta ora cu ta kima fuel oil e combustion no ta asina eficiente 100% y ta haya hopi biaha sas (ash) cu ta bay pafo y tin componentenan di metal pisa cu ora nan cay riba auto, e tin su efecto (e ta come e verf), pues imagina ki efecto e tin riba ser humano.

Tur esaki ta worde kita cu 100%.

Pues e plan pa move containerhaven di Playa pa Barcadera tabata fit den e plan total di energia 2020 y hasta e parti di Barcadera y WEB a worde tuma na consideracion cu e plan di LNG, cu awor lo por ta cla pa su ehecucion. E situacion cu tabatin na APA tabata existi semper, for di tempo di WEB ta existi.

For di momento cu biento a cay, of forsa di biento ta diferente, e gas cu ta sali di chiminea ta cay riba tereno of lama, y tin e mesun efectonan cu tin di e refineria na San Nicolas. Ta p’esey tambe den e contract nobo cu CITGo a deshaci di uzo di fuel oil pa evita e efecto di sulfur y evita tur e problemanan ey di medio ambiente.

Mi por a scucha cu tabatin diferente otro plan y un ta pa haci chiminea mas grandi. Tur ta yudabo parcialmente pasobra ta move e localidad unda e huma ta baha.

Ta trata e sintoma di e problema pero no e causa cu ta e fuel oil pisa cu ta uza. Si bay riba gas ta evita e problema aki.

Awe ta scucha Gobierno papia di ban uza di un azeta di calidad mas halto. Si aworaki WEB ta pidi pa un aumento di 10% di tarifa di awa y 20% pa tarifa di coriente, si bo bay riba un calidad mas halto e ora bo ta bay kisas riba calidad no. 2 y e prijs ta bira dobbel.

E prijs di fuel oil (diesel no. 2) ta sumamente halto compara cu esun di fuel oil no. 6 pero bo no ta soluciona tur e problema pasobra e ta keda un heavy fuel cu su componentenan di metal pisa y ta keda cu e mesun problemanan, aunke menos, pasobra e tin e componentenan di sulfur den dje y e parti di CO2.

E problema cu ora biento cambia, ta keda cu e mesun efecto. E problema aki mester worde trata na e causa, esta cu mester cambia e fuel cu bo ta uza pa genera coriente. Esey ta e Gas Natural.

E proyecto a keda riba mesa pero lamentablemente e Gobierno aki no kier tende nada di dje y mi ta reta nan pa bisa cu esaki no ta berdad. Mi lo bini prueba cu nan no kier sinta cu GasUnie,” Mike de Meza di AVP a declara.

 

- Advertisement -

DUNA COMENTARIO

Please enter your comment!
Please enter your name here