Home Hudicial Por lo pronto Insel Air por sigui bula cu 2 avion

Por lo pronto Insel Air por sigui bula cu 2 avion

285
0
SHARE
- Advertisement -

ORANJESTAD (AAN): Desde 14 di Maart 2017, Corte di Husticia na Curacao a suministra un ‘surseance van betaling’ na e aerolinea Insel Air International BV cu tabata confrontando problema.

Y e fecha cu e surseance van betaling aki ta vence, tabata 31 di Augustus 2018.  Gerencia di e aerolinea, Sr. Heerenveen a haci suplica pa prolonga e surseance van betaling aki cu e periodo maximo.  Nan ta mustra cu e aerolinea a cuminza pasa den un trend positivo, y nan kier sigui cu esey, y tambe nan kier keda cla cu e combersacionnan cu e inversionistanan.

Insel Air debe como 1.200 compania, y esaki ta suma na como 160 miyon.  Aworaki Insel ta bulando cu 1 avion propio, y cu 1 avion via huur estilo wetlease.  Pa un otro avion nan ta keto bay enbusca di un motor, y e wetlease kizas lo wordo cambia cu un drylease cu ta mas lucrativo pa nan.

Insel Air ta spera cu nan lo por bay cuminza gana bon placa cu e vuelonan rumbo pa Jamaica.

Cu e operacion actual, e cantidad di 50 empleado lo bay ta ideal, envez di e 175 empleado (incluyendo 30 piloto) cu nan tin aworaki.  E obligacionnan fiscal di paga belasting, den un acuerdo cu e pais, desde cu nan a haya e surseance, no ta wordo paga mas (como 450.000 Florin pa luna).  E terminonan di lease tampoco no ta wordo paga completo, y esey ta como US$100.000 pa luna.

Debi na e surseance, nan tin un atrazo di pago den debe di 2 miyon Florin.

Finalmente Huez na Curacao, a dicidi na extende e bida y operacion di Insel Air, door di prolonga e Surseance van Betaling cu 18 luna, pues 1 aña y mey.  Pero nan tin di duna Corte un relato tanto dia 30 di October 2018 y 4 December 2018.

 

- Advertisement -

DUNA COMENTARIO

Please enter your comment!
Please enter your name here