Home General Posicion Rosneft determinante pa Citgo na Aruba

Posicion Rosneft determinante pa Citgo na Aruba

112
0
SHARE
- Advertisement -

Presentacion otro luna no por laga ningun duda pa futuro

*Ley ta exigi garantia solido pa refineria Aruba
*PDVSA no a cumpli cu e contracto cu el a firma

ORANJESTAD (AAN): Ningun contracto cu Gobierno cera pa Aruba, por inclui riesgo pa e pais. Ley ta tene Gobierno responsabel pa vigilancia di bienestar di Aruba cu tur resultado cu esey por tin pa un gobernante.

Reino y mundo ta sigui e desaroyonan den Citgo internacional y como tal tambe e plannan di Citgo na Aruba. Desaroyonan di ultimo luna a trece un buelta grandi pa e proyecto di Citgo na Aruba y hopi aspecto importante a bin dilanti.

E reunion cu Prome Minister a sostene cu Citgo pa dicidi kico ta bay pasa, a trece e dirigente di Citgo y e dirigente di PDVSA Aruba y asina pueblo di Aruba a comprende cu futuro di e refineria ta depende di futuro di PDVSA y di Venezuela.

Rosneft por duna garantia pa Citgo

Na Aruba poco tabata conoci di Rosneft, e compania di estado di Rusia pa asuntonan petrolero. Sinembargo, for di momento cu a firma e acuerdonan entre Aruba y Citgo, e tabata presente den e panorama.

Rosneft a haya 49.9 porciento di e accionnan di Citgo como borg. Instancianan financiero internacional a comprende loke PDVSA a haci y for di e momento ta tras di e resto di e accionnan. Si no tin ningun embargo riba e 51.1 porciento cu ta resta di e accionnan, Rosneft por reclama e 100 porciento di accionnan como borg debi na e debe cu Venezuela y PDVSA tin cu Rusia.

Rosneft por dicidi cu e ta cambia borg pa accion y bira accionista cu 49.9 porciento den Citgo y por tuma mas accion den Citgo pa bira accionista mayoritario den Citgo.

Aruba no por haci nada den e cambio di constelacion di Citgo si esey sucede. Pues no mester descarta e posibilidad cu pa medio di Rosneft, Citgo por honra e contracto firma cu Aruba.

Esaki ta loke Merca entre otro tin miedo di dje. Un interes Ruso ta establece su mes pa medio di Citgo, cu den un luna por conoce cambio grandi.

PDVSA cu problema si no honra contracto

E situacion pa PDVSA ta hopi serio. El a garantisa pais Aruba cu e por cumpli cu un contracto cu ta beneficioso pa Venezuela den e situacion di e pais.

Rusia y China ta e aliadonan grandi di Venezuela cu sin e dos paisnan aki, lo no por a keda riba pia. Nan tabata kier a cumpra refinerianan na Venezuela pa cubri nan necesidad di petroleo y gas. Tres refineria di Venezuela no tabata den un estado pa sigui cu e benta.

E refineria di Aruba ta importante pa Venezuela pasobra e problemanan domestico na Venezuela por ehempel no ta presente.

Venezuela mes no por honra pago di huur di e refineria, gastonan continuo manera e situacion di e pais ta.

Ora otro luna e entrega e confirmacion y garantia cu e por cumpli cu e contracto pa Citgo, e ta responsabel pa desmantelacion di e refineria y daño ambiental. E mester realisa un proyecto enorme mientras e no tin placa pa su propio refineria.

Sinembargo, Rosneft por trece cambio den e situacion Venezolano. Por spera cu mundo ta contesta Venezuela. Merca Diabierna ya a aumenta su accionnan contra e pais.
Economia di Venezuela lo conoce cambionan dramatico den e proximo simannan.

DIARIO lo informa Aruba debidamente.

- Advertisement -

DUNA COMENTARIO

Please enter your comment!
Please enter your name here