Home Gobierno Procurador interino mr. Frans Deutekom di acuerdo cu  decision tuma pa Minister...

Procurador interino mr. Frans Deutekom di acuerdo cu  decision tuma pa Minister Bikker

333
0
SHARE
- Advertisement -

Relaciona cu e caso di otro pedofil den libertad:

ORANJESTAD (AAN) — Procurador Interino mr. Frans Deutekom, a participa den e conferencia di prensa extraordinario yama pa Minister di Husticia, Diadomingo, cu caracter di urgencia, pa mustra su indignacion despues cu otro pedofil a keda den libertad, y unda e falta ta sinta awor na Ministerio Publico, segun declaracion di e dignatario.

Señor mr. Deutekom a expresa cu Minister Bikker a splica hopi bon kico a pasa, y a subraya cu e presonan tin derecho riba castigo condicional ora nan cumpli e 2/3 parti di nan condena.

Esaki ta algo Minister di Husticia a bin ta recalca e ultimo simannan, y e Magistrado a recalca cu esaki ta independiente di e delito cometi, pasobra ley no ta haci distincion y e ley ta hopi duidelijk cu e ta conta pa tur detenido, y no ta duna e posibilidad pa haci diferencia entre e  detenidonan relaciona cu e delito pa cual nan a wordo acusa y condena.

PG interino mr. Deutekom a indica cu esaki ta despues cu e ley di 2014 a wordo cambia door di sobrepoblacion di KIA. Pero e ta haya cu ta hopi bon idea cu awor a delega na Colegio Central di Reclassering pa e casonan unda mester tene cuenta cu e sensibilidad di e poblacion, y ta haya ta bon cu e minister a papia cu Wetgeving, OM, y KIA, entre otro, pa wak si ta posible pa traha un maneho nobo y si ta necesario pa cambia e ley.

Colegio Central di Reclassering ta un gremio bon ekipa pa tuma bon decision tocante e tereno aki, ya cu e tin hende di Ministerio Publico, KIA, Reclassering.

- Advertisement -

DUNA COMENTARIO

Please enter your comment!
Please enter your name here