Home Social Sani Market na San Nicolas birando cada bez mas exitoso

Sani Market na San Nicolas birando cada bez mas exitoso

88
0
SHARE
- Advertisement -

Anky Vrolijk, director FMA:

ORANJESTAD (AAN) – Recientemente a tuma lugar e evento “Sani Market” na San Nicolas. Un evento cu ta wordo organiza pa Museo Aruba tur ultimo Diasabra di luna, y e ta birando cada bez mas exitoso y mas bishita.

Den un entrevista cu Anky Vrolijk, director di Fundacion Museo Arubano, el a duna DIARIO informacion durante e evento aki y con e resultado tabata Diasabra cu a pasa.

El a comenta cu e evento a bay hopi bon, tabata tin diferente mesa y tambe e bus tour cu a cuminza na Museo na Playa, ademas, varios tayer di trabao di Cosecha a tuma lugar na San Nicolas y tabata tin rond leiding den e diferente museonan.

Ya caba tin un aña y mey cu ta organiza e evento aki na San Nicolas y e acogida ta cada bez mas grandi. Logicamente ta keda un reto tur luna, pero si ta consecuente, tur hende ta tende di dje, e hoben a declara.

Hopi hende tabata tin pa bende nan productonan, pero tambe un publico grandi a bishita e Sani Market, entre nan turistanan cu a bin conoce un tiki mas di e cultura.

Personanan cu ta bin bende nan productonan ta bin di tur distrito di Aruba. No solamente producto di segunda mano, pero tambe nobo, incluyendo cuminda, coi bebe, etc., y asina crea un ambiente diferente riba e ultimo Diasabra di luna, na San Nicolas.

Anky Vrolijk a duna di conoce cu nan ta bezig cu diferente compania pa trece tour busnan, y Fundacion Museo mes ta trahando riba un bus tour, cu no por a logra e luna aki pasobra a cay hopi riba man.

- Advertisement -

DUNA COMENTARIO

Please enter your comment!
Please enter your name here