Home Labor SEPPA no mester haci druk siendo cu LMA tey como defensor di...

SEPPA no mester haci druk siendo cu LMA tey como defensor di ambtenaarnan

33
0
SHARE
- Advertisement -

Reaccion

ORANJESTAD (AAN): Observadornan a tuma nota di e bay-bin encuanto e situacion di DPL, esta e reaccion di Sindicato SEPPA y tambe di Ministro Glenbert Croes.

Pero e lider Sindical di SEPPA, sa masha bon cu den e ley di LMA tin tur e proteccion build-in pa defende Ambtenaar na Aruba.  E ley di LMA tin biaha ta bay hasta dimas.

Observadornan a splica, cu nan no ta mira pakico e mester a actua negativo asina pa defende e clase trahador, siendo cu LMA tey pa defende trahadornan asina hopi mes.

Corda cu segun ley, Ministronan mester sa cu tin un procedura cu bo tin di cana, ora bo kier tuma medida contra ambtenaar.

Pero e no ta facil!  Pasobra hasta si e Ministro dicidi na tuma medida disciplinario contra e Ambtenaar, e ultimo por bay defende su caso na Corte di Prome Instancia, y hasta na Hof.  Esaki ta asina, pasobra tur cos ta netchi regla den ley.

No lubida cu na Aruba, e ley di LMA ta defende e trahador/ambtenaar hopi bon mes.  Por si acaso e ambtenaar a haci algo malo, y hasta si e no haci malo, e procedura tey poni preto riba blanco pa bo sigui esaki na e forma corecto.

Y regularmente ta pasa cu Departamentonan no a sigui e procedimento corecto.  Y asina ambtenaarnan ta gana nan caso facilmente.

Pesey no por ta asina cu na 2018 ainda tin Sindicalista cu ta haci tanto druk, siendo cu LMA tey como un shield pa e ambtenaarnan.  Si acaso e Ministro tuma medida mes contra e ambtenaar, e persona afecta tin di djis bay Corte.

Tin di bay bek den Historia pa sa kico exactamente a socede ora cu Aruba a introduci e ley di LMA na 1964.  E ley di LMA a wordo tuma usando e Ley di Ambtenaar Hulandes di 1929 como ehemplo.

Na Aruba, e ley di LMA a wordo introduci simplemente pa e.o. proteha ambtenaarnan contra politiconan.  Debi na persecusion politico, hopi biaha ambtenaar ta gana nan caso.  Y pesey ambtenaar ta gana nan caso ora politiconan ta haci loke nan kier cu nan, sea di venganza of otro motibo.

- Advertisement -

DUNA COMENTARIO

Please enter your comment!
Please enter your name here