Home General Servicio di Ambulans mester check si luznan di nan flota ta den...

Servicio di Ambulans mester check si luznan di nan flota ta den bon condicion

34
0
SHARE
- Advertisement -

Luz “bright” por causa accidente!

ORANJESTAD  (AAN):  No ta prome biaha cu un lector ta yama mesa di redaccion pa referi na e situacion aki. El a indica cu varios biaha anochi, ora e ta stuur, e ta wak con un auto ta bin tras di su auto y e luznan ta asina bright cu casi e no por sigui core mas.

Ora e ta haya sa ken of cual auto ta coriendo su tras ta resulta cu ta un ambulans. E ambulans aki un di su luznan no ta bon calibra. Kiermen, e tin un luz bon y un otro ta e luz halto (bright).

E ta haya masha straño cu un ambulans ta coriendo den e condicion aki poniendo trafico na peliger.

No ta un pero varios biaha el a pasa den e situacion aki. E ambulans no ta den un emergencia, pero e tabata circulando normal riba caminda. E lector no por a check e nummerplat door cu e ambulans tabata tras di su auto.

Lo ta bon pa Servicio di Ambulans tira un bista riba nan flota y haya sa cual di nan vehiculo ta coriendo cu luz mal calibra. Esaki tambe lo yuda evita un accidente riba caminda.                      Mañan algo sosode, chofer di ambulans lo para responsable? DTI no ta keur e ambulansnan? Esey ta algun e preguntanan cu ta bin dilanti.

- Advertisement -

DUNA COMENTARIO

Please enter your comment!
Please enter your name here