Home General “Ski” lo wordo dera na santana banda di “Natalie”

“Ski” lo wordo dera na santana banda di “Natalie”

970
0
SHARE
- Advertisement -

Te cu awor entiero ta planea pa Diasabra mainta

ORANJESTAD  (AAN): Diahuebs atardi den un conferencia di prensa, Clifford Rosa di Stichting Rancho, a duna di conoce cu te cu diahuebs mainta tabata tin apenas 300 florin recauda pa loke ta e entiero di Ski.

El a laga sa cu nan kier ta transparente y pesey tur fondo lo wordo registra y e informacion lo wordo poni disponible publicamente.

Mester tene cuenta cu un entiero tin un costo di mas o menos 8 mil florin. “Ski” lo wordo dera den santana banda di su amada Natalie, mama di su yiu. Esey tambe tin su gastonan cune.

Fundacion Rancho su deseo ta pa yega na un suma rond di 10 mil florin, lagando afo e 2 mil di Sociale Zaken, pa atende cualkier gasto cu lo bin acerca.

E draaiboek completo lo wordo presenta awe diabierna y tur cos ta te cu awor cu e entiero lo ta diasabra 25 di Augustus pa 9’or di mainta.

Tur cos lo sosode den e area cu a haya “Ski” (waf) y Rancho. Pa  cu esaki Polis lo duna un man pa colabora cu e situacion di trafico. Despues lo tin un ceremonia pa asina ey comunidad por pasa y duna su  “ultimo saludo” na Ski. Di eynan lo bay direccion santana. Pastor mes lo bin na waf y lo keda den full e ceremonia te na santana.

Hendenan di BMX a laga sa caba cu nan lo tey y lo haci un recorido den bario di Rancho, rindiendo homenahe na “Ski”. Si laga afo e teamnan di futbol.

“Por espera comunidad completo bin y duna sosten y apoyo tambe na locual ta bay sosode. Y sin laga afo e parti humano cu nos como Aruba lo por na e ultimo ayo na Ski”, Rosa a expresa.

 

- Advertisement -

DUNA COMENTARIO

Please enter your comment!
Please enter your name here