Home Enseñanza Temporada di inscripcion pa Landsexamen 2019 ta cuminza 3 di September

Temporada di inscripcion pa Landsexamen 2019 ta cuminza 3 di September

9
0
SHARE
- Advertisement -

ORANJESTAD  (AAN):  Seccion Examenbureau di Departamento di Enseñansa Aruba (DEA) ta informa cu inscripcion pa Landsexamen ta tuma luga den e periodo di 3 di september pa 28 di september 2018.

E formulario pa inscribi ta obtenibel riba website di Departamento di Enseñansa Aruba [ea.aw] entrante dia 1 di september 2018.

E candidato mester lesa e “Informatiebrochure Landsexamen 2019” prome cu e download y yena e formulario pa inscribi y entrega e formulario yena completo y corecto hunto cu tur documento necesario (p.e. certificado y/of diploma cu a wordo obteni caba) y un uittreksel di Bevolkingsregister di Aruba na balie di Examenbureau na [Belgiëstraat #2].

Tur inscripcion cu drenta despues di 28 september 2018 y esnan cu no ta yena completo no ta bini na remarca pa wordo procesa.

Candidatonan cu ta cumpli cu tur reglanan di inscripcion y a pasa e “screening” ta wordo notifica pa pasa entrega e recibo di pago di por lo menos 1 materia (vak).

Na landsexamen MAVO/HAVO/VWO 2019 por participa esnan:

– cu a entrega nan formulario di inscripcion na tempo (prome cu dia 1 october 2018), yena completo y na e instancia concerni.

– cu a paga na tempo e suma concerni pa por pasa examen.

– cu entrante 1 april 2019 tin e edad di:

– 17 aña of mas pa por participa na e landsexamen mavo; 18 aña of mas pa por participa na e landsexamen havo; 19 aña of mas pa por participa na e landsexamen vwo.

Excluyendo punto 1, por participa tambe na landsexamen esnan cu ta bay un mavo, havo of vwo scol y cu kier logra un “1-vakdiploma” riba e mesun nivel di scol cu nan ta siguiendo. E materia aki no mag forma parti di e pakete di materianan cu e candidato a scoge na scol.

Certificadonan obteni na Aruba ta valido pa un periodo maximo di 10 aña entrante 1 augustus 2012. Esaki ta nifica cu certificadonan mas bieuw cu 10 aña no por wordo uza mas pa obtene un diploma di VWO, HAVO of MAVO.

Pa mas informacion por acudi na website [www.ea.aw] y buska Landsexamen den e alfabet menu bou letter L. Tambe ta consehabel pa sigui e desaroyonan a traves di facebook page

@educationaruba

 

 

 

- Advertisement -

DUNA COMENTARIO

Please enter your comment!
Please enter your name here