Home Turismo Tin biaha sector priva ta wordo mira como un fuente di placa...

Tin biaha sector priva ta wordo mira como un fuente di placa y no como un partner

24
0
SHARE
- Advertisement -

Tisa Lasorte, AHATA

ORANJESTAD (AAN): Presidente nobo di AHATA, Tisa LaSorte, ta comenta riba desaroyonan di AHATA pa por duna mas servicio.

LaSorte ta splica cu su prome tarea como presidente nobo di AHATA tabata pa reuni cu tur e miembronan. Un di nan metanan ta pa sigura cu pueblo ta consciente cu AHATA ta mas cu un organisacion pa hotel. Nan ta un organisacion cu ta representa e sector priva di turismo y no solamente hotelnan.

LaSorte ta sinti cu despues di hopi aña tin biaha tin un desconfianza pa cu sector priva. Tin biaha sector priva ta wordo mira como un fuente di placa y no como un partner, cual ta algo cu Tisa LaSorte kier mehora y mustra cu nan tur ta traha hunto p’e bienestar di e industria mas grandi na Aruba.

Adicionalmente, e asunto di cambernan di hotelnan den Caribe ta interesante, pasobra e por wordo considera como competencia pa hotelnan local, pero e ta parti di sector di turismo.

Den nan opinion, mescos cu ora tabatin e debate di All-Inclusive, si nan tin parti di nan turistanan cu ta busca cierto tipo di camber of cierto tipo di prijs, Aruba mester por ofrece esaki pa nan tambe.

Loke nan ta prefera si ta cu ora tin tur e diferente tipo di cambernan cu ta ofrece, incluyendo loke ta ser yama “alternative accommodations”, nan tambe mester por contribui, pasobra nan ta beneficia di e mercadeo cu ta tuma luga pa Aruba, pero nan no ta contribui na e budget.

Hopi hende no ta compronde cu mayoria di e budget di Aruba Tourism Authority (ATA) ta bin di e room tax cu ta bin via hotelnan. E turista cu ta bin keda na hotel ta paga 9.5 porciento di e camber na un tax cu despues ta bay na e budget di ATA, cual nan ta uza pa mercadea Aruba.
Segun LaSorte, nada di esey ta sosodiendo actualmente cu tur e “alternative accommodations”.

E ley cu Gobierno a pasa cu nan tabata yama e ley di All-Inclusive tabatin mas na dje, dus parti di e ley tambe ta cu awo e “alternative accommodations” cu ta pa nuebe cama of menos tambe nan ta registra y ora nan registra nan mester contribui cu e tax ey, cual e presidente di AHATA ta haya algo positivo.

 

- Advertisement -

DUNA COMENTARIO

Please enter your comment!
Please enter your name here