Home Impuesto Tin un total di 20.324 automobilista cu nan belasting no ta paga

Tin un total di 20.324 automobilista cu nan belasting no ta paga

30
0
SHARE
- Advertisement -

Meverly Romano di Departamento di Impuesto

ORANJESTAD (AAN): Si ta bon, plachinan di number mester ta paga. Meverly Romano di Departamento di Impuesto, el a splica cu nos ta den final di Augustus. Na e momentonan aki tur auto, esta e vehiculonan di motor cu ta riba nos caretera publico, lo mester tin e sticker cu ta indica cu e belasting ta paga full aña. Kiermen cu e automobilistanan mester ta conciente cu na e momentonan aki e belasting pa loke ta 2018, mester ta completamente paga.

Lamentablemente tin cu bisa cu no ta tur automobilista a haci e pago di nan belasting pa loke ta trata impuesto di vehiculo di motor y segun e cifranan ultimo cu tin ta indica cu tin un non-compliance di 24%, cu ta ekivalente na 20.324 plachi di number cu no ta paga. Por bisa casi ¼ di tur e auto of numbernan cu tin registra, no ta paga.

Esaki ta un indicacion cu tin hopi cliente toch no ta preocupa, nan no ta worry pa paga e belasting. Esey ta algo cu ta lamenta, pero tin cu sigui cu e trabaonan. Ta recomenda e clientenan pa toch haci e pago mas lihe posibel.

Segun Mevely Romano, e momento ta yegando awor aki pa saca e cobransa adicional, loke na Hulandes ta yama e Naheffingsaanslag. Esaki ta algo cu a bin ta bisando caba desde aña pasa cu e cambio di ley cu a drenta na vigor entrante Januari 2017, e ta haci posibel cu departamento di impuesto por saca cobransanan adicional pa esnan cu no a cumpli cu e pago di impuesto di vehiculo di motor.

Esaki ta algo cu den pasado e no tabata posibel. Pero despues cu e cambio di ley, esaki awor si ta posibel, cu ta duna departamento di impuesto e autoridad pa saca e cobransanan aki.

Aña pasa a mantene esey e aña ey como un aña transitorio, pero pa loke ta 2018, por bisa cu Departamento di Impuesto lo bay saca e cobransanan aki. Awor aki nan ta den e fase final pa test e naheffingnan, esta e cobransanan.

Ta bezig ta cabando cu e testingnan, pa wak si e cobransa ta wordo calcula corectamente. Indicacion ta mustra te awor aki, cu ta mirando cu pa mita di luna di September, e cobransanan aki lo ta cla pa sali.

 

 

- Advertisement -

DUNA COMENTARIO

Please enter your comment!
Please enter your name here