Home Enseñanza Trahadornan di Centro MDC a walkout debi na decision di Ministro Rudy...

Trahadornan di Centro MDC a walkout debi na decision di Ministro Rudy Lampe

364
0
SHARE
- Advertisement -

ORANJESTAD(AAN): Personal di Centro Multi Disciplinario a tene un Walk-Out pasobra nan tin un mal contento. E personal a topa cu nan sindicato SEPPA caba pa por yuda nan. Ya for di basta tempo tin cosnan ta tumando luga. Magali Brito, Secretario General di SEPPA a splica cu Diamars mainta, trahadonan ta worde sorprendi cu minister Rudy Lampe ta bin eynan y e ta atende cu persona encarga cu MDC, esta señora Van Dijk.

E tabata antes coordinadora, pero den e ultimo añanan e tabata den e posicion di directora. Minister Lampe a informa señora Van Dijk cu nan ta termina entrante awe su waarnemerschap, locual a trece den duda kico realmente e kiermen cu esaki, mirando e posicion cu e persona aki tin cu a carga durante tur e añanan aki.

Esaki ta causa full un mal contento cerca e trahadonan, no solamente pasobra e señora aki tabata un bon hefe, un bon directora cu nan, pero tambe pa motibo cu desde Januari e grupo aki ta buscando claridad cerca e minister rond di e decisionnan cu e lo kier tuma, rond di MDC.

El a cuminsa na indica for di comienzo cu e kier haci e Centro di Observacion uno mas chikito. Haciendo esaki, e a cuminsa kibra na e takinan y na final ta haya un MDC cu no por funciona completamente y adecuadamente y no por brinda e servicio na nos comunidad tampoco. Esaki, desde Januari ta tratando di yega toch na un claridad cu e minister, kico ta su intencionnan, e pakico e kier haci esaki y tambe a atende cu e profesionalnan aki cu ta traha na e centro aki, pa mustr’e cu e decision of e direccion cu e ta hibando esaki no ta cumbini nos muchanan, nos hobennan cu ta den un necesidad di un servicio na MDC, pero tampoco nos schoolnan.

Sa sigur cu diferente school a lanta diferente grito di preocupacion pa e direccion cu e minister Lampe kier bin cun’e, pa motibo cu, hincando e muchanan back cu ta haya servicio for di MDC, den klasnan regular, por haya e consecuencia cu lesnan ta worde stroba un poco, pasobra ta bon pa e hobennan cu ta ricibi e servicio na MDC, mester di atencion special of mester di mas atencion pa nan por sigui e lesnan.

Kico ta pasa awor aki:

Desde Januari, cu a bin ta busca solucion cu e minister, el a purba wanta un rato  cu su decision. El a hasta pidi trahadonan pa ta habri pa si e bin cu otro opcion, pa bin cu su vision y si mustra cu esey ta miho, pa coopera cu esaki, e trahadonan toch tabata habri pa esey.

Tabata tin un presentacion di un grupo di Boneiro. Ta di compronde cu esey tabata e vision di e minister y e resultado di esaki no tabata nada bon, pa motibo cu for di e momento ey caba, loke a bin padilanti ta, cu e fase cu e grupo di Boneiro ta aden, ta e beginfase cu MDC tabata aden algun aña atras.

Despues di esaki, pa diferente biaha a haci peticion pa por papia cu e Minister un biaha mas pa busca e manera di traha aki hopi mas miho. Si tabata tin eror of fayo pa por drecha nan, pero mester por indica nan si na un forma habri, pero no a duna resultado.

E reunionnan tampoco no a duna resultado y ta un lastima. Por corda cu den e reunion cu minister a indica varios ocasion y hasta dilanti di un grupo di trahado, e ta bisa cu hopi di su klokkenluidernan a bisa un ke otro cos. Segun Brito, no tabata sa cu gobernacion y pio cu asuntonan asina serio, ta worde maneha a base di redo, a base di hendenan cu ta papia den un manera scondi, pero no ta dispuesto pa bin p’adilanti y esey a bisa e minister cu ta intolerabel pa sigui den e direccion aki cu e lo kier bay.

Awe e trahadonan a mustra nan mal contento con esaki ta culminando. Nan tabata tin cierto confianza, unda cu cierto parlamentarionan a pidi e minister pa para tur proceso di independisacion di DPS, of a trece cambionan den MDC, por mira claramente cu e cosnan ta simpel weganan di muchachada. Na final ta keda na deseonan cu e minister por haci y deshaci y dal bay. E ta parce cu ningun hende no por bisa nada.

Mas bien e ta bayendo na trata di intimida trahadonan, pasobra toch na final e ta haya kier y ta sigui e direccion cu e kier bay cun’e, sin cu ningun hende, ni e prome minister di Aruba no ta para keto un rato pa midi e consecuencia cu e direccion aki cu kier bay, den un parti cu ta importante cu ta nos enseñansa.

Con largo:

Mientras tanto den Januari pa awo, minister a crea diferente zorgteam. El a pushanan bao di SKOA, y a pone algun ambtenaar ter beschikking di e fundacion. No ta compronde con esey por ta posibel. E por ta un decision di esey. Por ta e ta sosode a base di schenking. E ta bay ta cu el a descentralisa e tareanan na MDC.

Loke e trahadonan kier haci, ta mustra nan mal contento cu sin ta dispuesto pa ta habri pa scucha y purba di yega na un miho sistema pa atende cu MDC, e ta para riba loke un dia e ta pensa y esey e ta dicidi. Awe e ta bay over na corta den MDC mas ainda. Aki poco dia e MDC cu un tempo a worde lanta, cu cooperacion di Hulanda, ta worde distorciona na e momento aki.

- Advertisement -

DUNA COMENTARIO

Please enter your comment!
Please enter your name here