Home Impuesto  Tur aña DIMP ta yuda por lo menos 2700 cliente gratuitamente yena...

 Tur aña DIMP ta yuda por lo menos 2700 cliente gratuitamente yena formulario di inkomstenbelasting

15
0
SHARE
- Advertisement -

ORANJESTAD   (AAN): Departamento di Impuesto ta satisfecho cu e acogida cu e tabata tin dialuna mainta na MFA na Noord. E cantidad di hende cu a acudi tabata masal. Directora di Departamento di Impuesto, Luenne Gomez-Pieters a splica cu nan tabata tin un ploeg di 10 hende trahando y a busca backup di 4 hende mas pa por yuda e clientenan mas grandi.

Por a mira clientenan mas grandi para den rij y a mira e necesidad di yuda nan den un sala apart, pasobra ta hendenan cu no por para mucho largo, hendenan cu lo kier bay cas tempran, pasobra nan lo tey for di tempran para na MFA na Noord.

For di 8’or di mainta e empleadonan di Departamento di Impuesto a cuminsa cu nan trabao na MFA na Noord y esaki ta sigui te cu 3’or di atardi non-stop. Tin un sistema di rotacion caminda cu e empleadonan ta haya chens pa por come merdia.

Sra. Gomez-Pieters mes tey na Noord tambe pa duna sosten na e trahadonan. No mester lubida cu ta funcionarionan di Departamento di Impuesto cu ta bay un extra mile pa e clientenan. Na cuminsamento tur hende ta pendiente pa haya number, dus nan tey for di tempran. E empleadonan di Impuesto tey y ta yudando e clientenan na e miho manera y mas lihe posibel.

Ta un servicio cu ta duna comunidad. Segun Gomez-Pieters, ta haciendo e servicio aki riba campaña for di 1994. Tur aña ta yuda por lo menos 2700 cliente gratuitamente. No ta algo cu ta cobra p’e, pero kier ta mas cerca tambe di e cliente, caminda cu por duna tambe bek na comunidad.

Bo por yuda esnan cu tin mas mester, pasobra e declaracion di Inkomstenbelasting, ta algo toch complica pa esnan cu no a studia belasting of tin biaha tin otro preguntanan cu no por haci si bo ta yen’e na cas. A cambio si bo ta dilanti di un funcionario di Departamento di Impuesto si bo por haci cierto preguntanan.

E formulario ta consisti di 16 pagina. Pa un hende normal tin biaha ta tiki dificil y tin biaha kier yuda toch pa por cumpli cu e rekisitonan. No ta tur hende, manera si bo tin negoshi propio of bo ta trahando riba bo mes, bo no por yega na DIMP, ya cu e ta bira tiki mas complica.

Si bo ta soltero y tin un entrada di 75 mil florin pa aña of si bo ta casa y tin un entrada bruto di 150 mil florin pa aña, bo ta bin na remarca pa wordo yuda na MFA Noord.

Diamars nan ta na MFA Savaneta, diaranson nan lo ta na Teresita Center na San Nicolas, diahuebs nan lo ta na MFA Paradera y diabierna ta termina e siman na Biblioteca Nacional na Playa. Tin full un team cu ta standby, mirando e cantidad di hende cu a bin Noord.

Tin bon cooperacion cu e MFAnan, pero no tur ora nan tin suficiente mesa cu stoel. A manda busca nan propio stoel y mesanan pa por acomoda tur cliente y pa tur hende wordo yuda. No lo kier pa un hende presenta for di mainta tempran y despues bay cas man bashi, sin servicio, sin ayudo. Esey no ta e intension.

- Advertisement -

DUNA COMENTARIO

Please enter your comment!
Please enter your name here