Home Social Un di cada 3 hende muher na Aruba a sufri abuso emocional...

Un di cada 3 hende muher na Aruba a sufri abuso emocional of psicologico

70
0
SHARE
- Advertisement -

Lily Marval:

ORANJESTAD  (AAN):   Lily Marval ta papia riba e problematica di Violencia domestico cual a manifesta su mes den e ultimo simannan aki na Aruba.

E ta indica, cu ultimo tempo Aruba a ser sacudi dor di casonan cruel di violencia domestico: 2 mucha chikito cu a wordo tortura y mata pa nan padrastro; un señora cu a wordo maltrata pa su pareha y cu a fayece a consecuencia di golpinan fuerte na su cabez; un señora den condicion ilegal cu a wordo bati malamente pa su pareha polis y laga pa su cuenta sera den un camber.

Violencia domestico no ta algo cu a cuminsa ultimamente. Al contrario. E ta algo cu ta tumando lugar for di hopi tempo y cu a conduci na lanta Fundacion pa Hende Muhe den Dificultad (FHMD), entre otro pa proteham, especialmente hende muher y nan yiunan den caso di maltrato.

Instancianan manera FHMD, Departamento di Asuntonan Social, Polis, Hospitaal, dokternan y clero, sa di e poroblematica aki. Nan sa tambe di casonan di incesto y pedofilia.

Esnan cu mas ta haya sla ta hende muhe y mucha. Violencia domestico no ta sla, golpi, skop, hincamento y violacion so. Bo por haci un hende hopi daño dor di grit’e, humiy’e, menas’e, gañ’e, papia palabra malo cune, bis’e cu e ta gordo, mahos, cu e no ta sirbi pa nada etc.

Lily Marval ta indica cu su  investigacion ta mustra cu cada 1 di 3 muhernan na Aruba a sufri abuso emocional of psicologico. E sentimento negativo cu mas a wordo menciona ta RABIA.

Tin hopi hende cu trauma cu nunca a ser trata. Abuso ta sosode tambe door di control pisa p.e. no laga e otro persona cumpra su mesun paña, of dun’e chens di siña algo of di traha.

Di e manera aki e pareha ta domin’e y control’e y su auto estima ta baha y e mes ta haya cu e no ta bal nada. E ta depende totalmente di e pareha y e ta bira un victima facil.

 

 

- Advertisement -

DUNA COMENTARIO

Please enter your comment!
Please enter your name here