Home Noticia Internacional Yamada a wordo haci pa paro nacional di 24 ora na venezuela...

Yamada a wordo haci pa paro nacional di 24 ora na venezuela mañan

368
0
SHARE
- Advertisement -

ORANJESTAD(AAN)—Ayera un yamada a wordo haci pa un paro nacional pa diamars awor y cu ta involucra tur sector di e pais, como contesta pa e anuncionan economico di president Nicolas Maduro cu venezolanonan a califica como un burla.

E dirigente di Causa R Andres Velasquez a laga sa den un conferencia di prensa cu “contra e burla di Maduro, diamars awor nos ta responde di manera inmediato, cu repudio y cu un paro cu ta expresa malestar total di e pueblo venezolano, rechasando persecusion, tortura, violacion di derechonan humano y deterioro generaliza cu Venezuela ta biba aden actualmente.”

“E convocatorio ta pa tur sector di e pais, gremionan, iglesia, Partidonan politico. Nos mester kita mezquinidadnan y complehonan”.

Velasquez a bisa cu e medidanan ey ta representa  desgracia y tragedia. “Maduro a decreta dialuna (Awe) di ta un dia no laborabel como si fuera e ta un dia di fiesta y contra esaki nos ta bay responde di manera inmediato”.

El a indica ademas cu e paro lo ta un prome paso pa ehecuta accionnan den un direccion politico cu sentido di certeza, pa na final conclui cu sustitui e regimen di Maduro.

Diasabra e partido Voluntad popular a emiti un comunicado den cual nan a rechaza e medidanan economico anuncia pa Maduro y a califica esakinan como un golpi den saco di venezolanonan y a haci un yamada pa “unifica tur protesta y prepara pa construi un forza y activa un huelga activo general pa saca Maduro y recupera Venezuela”.

E partido politico Partido Primero Justicia tambe a convoca pa mañan un prome dia di protesta y paro nacional contra Maduro, contra hiperinflacion y hamber.

Cantidad di establecimento na Venezuela for di diabierna caba a cera porta y no a habri porta mas, despues cu presidencia di e Republica a publica den Gaceta oficial Extraordinario, un decreto den cual a declara awe un dia no laborable y cu e ta wordo otorga caracter di dia di fiesta.

E declaratoria di día no laborable señala den e articulo ta aplicable na trahadornan cu ta presta servicio den sector publico y priva, locual e opositornan a califica di ta un burla contra venezolanonan di parti gobierno.

Den e rueda di prensa, (foto di Voluntad Popular, VP) e diputado di Asamblea Nacional , Jorge Milan a asegura cu er medidanan nobo economico anuncia “pa e dictador,” manera el a expresa, solamente ta haci e criris den e pais peor.

“El regimen ta busca solamente e manera di sigui na poder mientras e pais ta cay na pida. Nos kier pa tur venezolano tin un salario digno, pero nos a mira cu e aumentonan ta solamente incrementa prijs di productonan.

Entre otro el a laga sa cu mañan dia 21 di augustus, tur venezolano cu ta cansa di humiyacion di e cupula mester lanta y keda cas of sali protesta contra e gobierno aki. Finalmente e miembro di movimiento de Trabajadores di Voluntad Popular y secretario di Sindicato de Trabajadores Petroleros de Venezuela, Ivan Freitas, a haci un yamada na trahadornan di e pais pa uni na e etapa nobo di lucha nacional pa conquista democracia.

 

 

 

- Advertisement -

DUNA COMENTARIO

Please enter your comment!
Please enter your name here