Yednielyz ainda ta den estado di coma na Puerto Rico

    1099
    0
    SHARE
    - Advertisement -

    Mayornan no a ricibi rapport di Polis

    ORANJESTAD (AAN): For di medionan di comunicacion na Puerto Rico, specificamente WAPA TV, DIARIO a haya sa cu Yednielyz Perez Rivas, di 7 aña kende a perde su pia den un accidente aki na Aruba ainda ta den coma.

    Por corda cu e famia turista di Puerto Rico cu a haya nan envolvi den accident riba Diaranzon siman pasa, no tabatin travel insurance. Esaki a bira un problema pa nan por a regresa nan pais cu nan yiu herida.

    Den Air Ambulance a logra manda Yednielyz pa su pais bek unda el a wordo interna den Cuido Intensivo.

    Pa esaki por a sosode mester a warda pa por a logra haya pago pa e transporte aereo cu lo a costa entre $30.000 pa $32.000. Asina a bin haya sa cu e turista, un Oficial Retira di Polis di New York, cu tabata na Aruba cu vakantie, a bin duna sosten.

    Sean Whelan a pone su Credit Card como garantia, y a haci donacion di $15.000 pa cubri gastonan di transporte.  E resto di placa pa cubri e gastonan a wordo colecta door di e ayudo cu e pueblo di Puerto Rico a ofrece.

     

    DEN COMA AINDA

     

    Via WAPA TV, a haya sa cu e mediconan a duna di conoce cu e mucha no a presenta mucho cambio despues cu el a yega Puerto Rico siman den un ambulans aereo. Nan ta haciendo nan best pero e proceso ta bayendo poco poco, segun e docternan.

    Mientrastanto e mayornan ta spera paciente sin perde nan fe riba e recuperacion di nan yiu.

    Por a compronde tambe cu e doctornan ta wardando pa asina tuma otro stapnan y poco poco cuminza kita e tubonan cu ta conecta e mucha pa e sigui su proceso di recuperacion.

     

    INVESTIGACION

     

    Na otro banda, e mayornan di e criatura a duna di conoce cu Polis di Aruba ainda no a tuma contacto cu nan pa loke ta e rapport di e accidente.

    E famia no a haya ningun informe, e mama a bisa. Esaki kiermen cu e contacto a keda na cero y nan ta wardando riba un rapport mustrando si un investigacion a tuma lugar despues cu e accidente lamentable aki a sosode.

    - Advertisement -

    DUNA COMENTARIO

    Please enter your comment!
    Please enter your name here