Home Turismo AHATA ta aplaudi plannan pa prohibi ‘single use plastics’

AHATA ta aplaudi plannan pa prohibi ‘single use plastics’

21
0
SHARE
- Advertisement -

ORANJESTAD (AAN): E asociacion di turismo di nos isla, AHATA, ta masha contento cu e proposicion di ley di Gobierno, relaciona cu prohibicion pa uza productonan di plastic manera “straw”, “disposable cups” y caha di cuminda “styrofoam”. AHATA ta aplaudi y apoya e esfuerso di Gobierno pa haci nos isla mas sostenibel y pa proteha nos medio ambiente.

Mester menciona cu hotelnan di AHATA ya caba ta den proceso pa stop uzo di e productonan. Prome cu Gobierno a lansa e proposicion di ley aki, varios hotel miembro di AHATA a stop uzo di e productonan completamente y e demas hotelnan tin plannan pa elimina e productonan prome cu e ley drenta na vigor.

Por confirma cu pa fin di October 2018, tur hotel di AHATA lo no uza “plastic straws” y pa fin di aña lo stop di uza e demas productonan manera cupnan di “plastic disposable” y e cahanan y cups di “styrofoam”.

AHATA ta cla pa sigui sostene mas di e tipo di leynan asina den cuadro di proteha medio ambiente y ta spera cu tin bon ehecucion di e regulacionnan aki.

 

- Advertisement -

DUNA COMENTARIO

Please enter your comment!
Please enter your name here