Home Deporte Bataya di caredanan di drag pa One Cool Summer ta cuminza mañan

Bataya di caredanan di drag pa One Cool Summer ta cuminza mañan

33
0
SHARE
- Advertisement -

ORANJESTAD (AAN)- Na Balashi Beer Garden e team organizador di “The Revival of Palomarga2 – One Cool Summer” a tene un conferencia caminda nan a papia di e ultimo detayenan di e magno evento aki cu lo tuma lugar cuminzando mañan y termina Diasabra.

Jayson Geerman e organizador di One Cool Summer a bisa cu esaki ta e evento mas grandi di Palo Marga caminda ta conoci pa e bataya clasico entre coredornan di Aruba y Corsou. For di Corsou a yega 6 container y por bisa cu tin mas di 36 participacion di diferente categoria di parti di e coredornan di Corsou.

Nan ta contento di por conta cu sosten di varios comerciante cu ta carga e evento aki, y tambe cu e sponser magno cu ta Tropical Bottling y Brouwerij Balashi.  Y di parti di Tropical Bottling y Brouwerij Balashi su representante Rowald Werleman, el a bisa cu nan ta sumamente contento y honra di por ta forma parti di e evento aki y ta invita e pueblo di Aruba pa bay presencia e caredanan.

Liesje Coffie a papia tocante di e categoria di junior dragster, caminda conhuntamente cu Minister Glembert Croes cu a pone premionan disponible pa e prome 4 ganadornan pa asina yuda engrandece e caredanan aki den hobennan.

Manuel Da Silva a papia di e categoria di pro-stock caminda el a bisa cu el a papia cu tur e coredornan y cu sigur tin 5 pro bike cu lo ta cla pa bataya contra otro.

Tambe a hiba palabra Sr. Martis cu a papia tocante e prijsnan pa entrada.

E evento di One Cool Summer a cuminza Diamars cu inscripcion y car show na Balashi Beer Garden y  ayera cu test & tune den tur categoria.

Awe ta e prome dia di careda den categoria quick 32 bike, no box, y super gas outlaw car.

Diabierna lo ta di dos dia di careda den categoria di jr. Dragster, sportsman bike, fwd, box y superstreet car. Y Diasabra lo ta e gran final den categorianan di jr. Dragster, crazy 8 bike, criollo outlaw bike, supercomp car, import vs domestic y pr-bike.

Pueblo di Aruba ta keda cordialmente invita pa bay presencia e tremendo caredanan aki y sigur disfruta di e dushi ambiente na Palo Marga.

 

- Advertisement -

DUNA COMENTARIO

Please enter your comment!
Please enter your name here