Home Hudicial Caso asesinato hororoso na De Vuyst ta Diabierna mainta den Corte

Caso asesinato hororoso na De Vuyst ta Diabierna mainta den Corte

2385
0
SHARE
- Advertisement -

ORANJESTAD (AAN): Diabierna mainta Corte den Promer Instancia ta sigui cu tratamento di e caso penal contra e sospechoso Jairo A. Chalgut, kende ta worde acusa di a mata Sarahi Sierra na un forma hororoso. Na Juni 2018 e caso tabata pro forma caminda Fiscal a informa cu aunke e procesverbaal ta cla, a laga haci mas investigacion riba DNA di marcanan cu a haya na e cas di e incidente. Ademas di esey, abogado mr. Illes a bisa Hues cu e kier pa scucha tres testigo.

ACUSACIONNAN:

Na Juni 2018 Fiscal a bisa Hues cu Jairo Chalgut ta worde sospecha cu riba 3 November 2017: a mara, choca, stik, hinca, maltrata, viola, mata y horta un suma di placa di e dama Sarahi Sierra.

Fiscal a bisa Hues cu e motibo cu e caso ta pro forma ta pasobra cu e investigacion ta cla pero a pidi mas investigacion. A laga investiga e DNA riba marcanan cu a haya na e cas. A manda esakinan 30 Maart 2018 pa Instituto Forence na Hulanda. (NFI)

Fiscal a pidi pa pospone e caso te 14 September 2018.

SOSPECHOSO TA INOCENTE?

Abogado mr. Illes a bisa Hues cu e kier scucha tres testigo. El a menciona e dama A.V. y e homber R.Y. Segun e abogado nan por bisa cu Chalgut no tabata na e cas na momento di e sucedido. Tambe e abogado a pidi pa scucha e ruman muher di e difunto, S.

Segun e abogado, S. lo por splica con e relacion entre Chalgut y e victima tabata. Mirando e testigonan cu e abogado kier scucha, e pregunta cu ta surgi ta: “e sospechoso ta inocente?” Fiscal a adverti cu mester tene cuenta cu e testigonan, en especial e ruman muher, lo por haci uso di nan derecho di silencio.

PRUEBA DNA:

Manera DIARIO a publica, e caso aki, pa Polis y Ministerio Publico, ta hiba e nomber Fist. A tuma muestra di DNA di diferente persona a base voluntario. Entre e personanan tabata e sospechoso Jairo Chalgut.

Investigacion haci na Instituto Forense di NFI na Hulanda, ta mustra cu a haya DNA di Chalgut.  Esey ta haci cu Jairo Chalgut ta worde mira como e sospechoso.

Chalgut ta un amigo di cas di e victima o sea un persona hopi cerca di e victima.

Tratamento di e caso aki lo bira interesante ora scucha e testigonan aki compara cu resultado di investigacion di Recherche. Diabierna mainta DIARIO lo cubri e caso y lo informa lectornan di tur loke a sosode den sala di Corte di Husticia di Aruba.

 

- Advertisement -

DUNA COMENTARIO

Please enter your comment!
Please enter your name here