Home General Concepto di vivienda “Gated Communities” lo wordo desaroya riba waf Oranjestad

Concepto di vivienda “Gated Communities” lo wordo desaroya riba waf Oranjestad

19
0
SHARE
- Advertisement -

Minister Otmar Oduber ta confirma:

ORANJESTAD (AAN) – Por corda cu algun siman atras, un miembro di Camara di Comercio a referi na un proyecto di vivienda cu Minister di Infrastructura kier desaroya riba e area antes container haven, cu despues di mudamento pa waf a keda desocupa.

Minister Otmar Oduber a wordo puntra al respecto y el a duna informacion tocante e proyecto aki cu el a subraya ta pensa pa nos propio hendenan y cu ya caba ta registra na DIP pendiente di un tereno.

E dignatario a señala cu e no a bay den publico ainda cu e proyecto aki den forma completo, pero di hecho hunto cu su colega Danki Oduber nan a realiza reunionnan cu APA, cu ta maneha e terenonan aki, mientras cu Gobierno mester duna e autorizacion necesario pa e tipo di construccion cu ta bay tuma lugar eynan.

E planificacion aki a wordo haci, y nan berdad a mustra, den un reunion cu Camara di Comercio, e ideanan preliminar cu nan ta bay traha den e waf di Oranjestad, loke nan ta yama “Gated Communities” cu ta viviendanan pa comunidad unda ta bay na halto di cinco pa siete piso, cera, cu seguridad, cu su piscina podise, pero pa nos propio comunidad.

Ta bin na remarca pa e viviendanan aki esnan cu ta inscribi na DIP na e momentonan aki, pasobra nan tin hopi aña ta wardando. Lo bin un destaho publico, muy probablemente durante e ultimo cuartal di e aña aki mes, unda cu lo cuminza e proceso aki.

E ta encera dos pa tres edificio, y cada un di un 60 cas cu por cumpra y lo inicia e proceso di e pensamento na lugar di vivienda horizontal e concepto vertical, mirando e limitacion di tereno cu tin na Aruba. E no ta bay sosode unicamente na e waf di Oranjestad pero tambe na Burunbuno, mescos cu algun proyecto priva cu gobierno ta bay sostene den e area di Eagle, cu dentro di poco e dignatario lo duna informacion al respecto.

“Pero enberdad mi a tuma e decision cu envez di nos tuma terenonan di un valor economico asina halto dune na inversionistanan internacional cu ta bin inverti hopi placa pero saca hopi placa pa manda afo, cu hopi biaha ta tuma lugar, mihor nos ta traha condominium-cas vertical pero di un calidad un tiki mas halto, pero cu ainda ta cay bao categoria di residencianan accesible di entre 200 mil pa 350 mil florin, cu ta wordo cumpra den e areanan aki” Minister Otmar Oduber a declara.

 

- Advertisement -

DUNA COMENTARIO

Please enter your comment!
Please enter your name here