Home General Dam di Cas Ariba ta esun cu mas a wordo afecta pa...

Dam di Cas Ariba ta esun cu mas a wordo afecta pa secura

172
0
SHARE
- Advertisement -

Randy Arends di Santa Rosa

ORANJESTAD  (AAN):  Casi dos siman pasa Santa Rosa a bay tira un bista riba e damnan den diferente bario, pa cual Randy Arends ta elabora mas.  Nan a pasa Tanki Leendert, Tanki Flip, Santa Cruz pariba, San Nicolas Sabana Grandi y en berdad, e prome cu a sufri di secura caba ta esun di Cas Ariba.

Ya caba no ta usando e awa aki, paso e dam ta practicamente seco. E otro damnan tin un poco awa aden, manera Tanki Leendert, Tanki Flip, pero pa aki un luna e dam lo ta practicamente bashi.

Mas abao bay, e awa ta bira salo y p’esey e chauffeurnan di trucknan tin un instrumento special unda cu nan ta midi y si e awa no ta bon, nan no por yen’e den e truck pa entrega na clientenan.

Diferente dam na Aruba ta den un secura caba y Santa Rosa ta simplemente wardando un bon awacero y mientras tanto ta wak si mester haci e damnan aki limpi. Esaki a wordo haci 2 aña pasa y atrobe ta tene control pa cuminsa na haci limpi.

Manera cu haya un awacero torencial, mas na fin di aña cu e damnan por catch mas awa posibel. E damnnan cu tin un poco di awa aden, esey Santa Rosa ta purba di parti e awa pa tur e agricultornan por haya.

Den caso cu e agricultornan pidi mas cu’n truck, ta parti esaki ya cu tur mester por haya un poco awa di parti di Santa Rosa.

Pa loke ta e posnan, ta esun di Savaneta so ta den funcion y p’esey Santa Rosa ta purba conscientisa esunnan cu ta bay pa coy awa, pa haci uzo di un tanki blanco so pa asina por tin mas di nos agricultornan por haya maske ta un baki di awa, Randy Arends, di Santa Rosa a enfatiza.

 

- Advertisement -

DUNA COMENTARIO

Please enter your comment!
Please enter your name here