Home Impuesto  DIMP a yuda 2000 cliente cu yenamento di declaracion di inkomstenbelasting

 DIMP a yuda 2000 cliente cu yenamento di declaracion di inkomstenbelasting

6
0
SHARE
- Advertisement -

Bon reaccion di publico pa loke ta Campaña HUBA

ORANJESTAD  (AAN): Durante un siman largo, Departamento di Impuesto a pone su empleadonan disponibel, pa asina asisti nos ciudadanonan cu yenamento di declaracion di inkomstenbelasting, esta e Campaña di HUBA.

Nan a pasa den diferente districto, entre otro na MFA Noord riba dialuna, MFA Savaneta riba diamars, Teresita Center na San Nicolas riba diaranson, MFA Paradera riba diahuebs y finalmente na Biblioteca Nacional na Oranjestad riba diabierna.

Tin cu bisa cu e cantidad di persona spera a surpasa e expectativa di Departamento di Impuesto. En particular mainta, un cantidad di persona, en particular, nos ciudadanonan di mas grandi, a haci bon uso di e oportunidad aki pa asina ricibi ayudo pa yena nan declaracion di impuesto y entreg’e di biaha tambe, tur esaki a cuminsa gratuitamente.

Directora di Departamento di Impuesto (DIMP), Luenne Gomez-Pieters a comenta cu en total tin 2000 cliente cu a yuda, den un ekipo di 10 pa 13 funcionario cu ta labora na Departamento di Impuesto.

E acogida tabata grandi bao di e clientenan. Hendenan cu ta bin for di tempran pa por sigura nan luga, caminda cu nan ta wordo yuda pa yena nan aangifte Inkomstenbelasting. Un tremendo trabao di e ekipo di funcionario di Departamento di Impuesto cu a haci e trabao aki durante siman.

E trahadonan aki a traha hopi duro. Ora cu ta mira cu ta yuda entre 400 pa 480 cliente riba un dia, pa 10 pa 14 hende, ta hopi. E trahadonan a keda hopi cansa, pero satisfecho con e siman a bay caminda a yuda asina tanto cliente. E cliente por ta sigura cu e aangifte ta wordo bon yena, y procesa despues cu registra e aangiftenan aki.

 

 

- Advertisement -

DUNA COMENTARIO

Please enter your comment!
Please enter your name here