Home Parlamento Director di Lotto ta culpa pais Aruba pa falta di keur stadionnan,...

Director di Lotto ta culpa pais Aruba pa falta di keur stadionnan, pero ta Lotto mes ta encarga cu esaki

204
0
SHARE
- Advertisement -

Endy Croes:

ORANJESTAD (AAN): E director di Lotto pa Deporte DiStefano Wernet ta  trata di twist e noticia riba e hecho cu e seleccion di futbol di Aruba mester a hunga su wega contra Bermuda na Corsow”.

Esaki segun parlamentario Endy Croes di MEP durante un conferencia di prensa, unda cu el a indica cu Wernet a bisa prensa entre otro cu ta imposibel pa kere cu Aruba Voetbal Bond (AVB) na ultimo ora a haya e notificacion cu mester keur e stadionnan di futbol.

“Nan ta trata di tira e culpa tur caminda y el a bisa tambe cu no ta Lotto ta doño huridico di e stadion na Dakota no ta Lotto, sino pais Aruba”.

Esaki segun Croes, kende a splica cu Lotto ta tira culpa riba tur hende y no riba esunnan encarga pa mantene e stadion, esta Fundacion Facilidadnan Deportivo (FFD), cu ta consisti di 3 miembro di ASU, tres miembro di Lotto y 3 miembro di e Minister di Deporte di gobierno anterior.

“Lotto ta hinca den FFD y nan tarea ta entre otro pa mantene e stadion”.

“E 8 añanan cu a pasa no a drenta den bo mente cu bo mester mantene e stadion aki y stadion Frans Figaroa?”.

Esaki segun e parlamentario di MEP, kende a sigui bisa cu pa colmo tin un problema andando rond di Wernet.

“Nos kier sa unda e placa di mantencion a bay, pasobra e compania di Canada mes a manda un carta na Juli pa e director di Lotto, pa puntra pakico el a lanta 612 mil florin sin previo aviso y sin cu hende sa pakico”.

“Nan a hasi dos intento pa hasi un conference call cu e director, pero e no a contesta”.

Esaki segun Croes, kende a splica cu e compania Canades ta preocupa cu e hecho cu Wernet a lanta e placa for di e cuenta di Lotto, e riesgo tey cu no lo tin suficiente placa riba e cuenta pa paga ganadornan di premio.

El a sigui bisa cu Canada ta exigi pa e director pone e placa bek dentro di 14 dia.

Banda di esaki Wernet a paga su mes alrededor di 300 mil florin, pa un trabao cu Ernst & Young tambe ta hasi.

“Bo ta mira pues un movecion di cerca di 1 miyon florin den corto tempo sin cu ta duna cuenta y awor bo ta tira e culpa di no keur e stadionnan, riba lomba di Gobierno”, segun Croes, kende a pidi e dirigentenan di Lotto pa Deporte pa pone un tiki amor tras di deporte.

Diferente compleho deportivo tin mester di placa entre otro pa cumpra of drecha luz y pesey Croes ta his un apelacion na directiva di Lotto pa aporta na esaki, pa asina no perhudica e deportistanan cu tin mester di ayudo.

 

- Advertisement -

DUNA COMENTARIO

Please enter your comment!
Please enter your name here