Home Deporte E entusiasmo ta grandi pa kickball escolar

E entusiasmo ta grandi pa kickball escolar

33
0
SHARE
- Advertisement -

ORANJESTAD (AAN) – E campeonato escolar di onderbouw di kickball a start, e entusiasmo ta grandi y ya tin 19 scol cu ta participa. E final regional lo ta ariba e weekend di 20 y 21 di october proximo y ainda scolnan basico (eerste y tweede klas) por participa.

E proyecto “Aruba Den Movecion” a wordo lansa cu e intencion pa motiva muchanan pa move mas y pa hunga deporte. Circle K Club di Universidad di Aruba a team up cu bateria Panasonic y a inicia e proyecto cu ta consisti di un campeonato nacional di Kickball. Pa motiva e scolnan pa participa bateria Panasonic lo premia cu ganadoranan cu Fls. 2000.00 na premio den forma di ekipo di deporte.

Ya tin 18 scol basico participando den e torneo di Kickball incluyendo Scol Basico Washington, Colegio Pastoor Kranwinkel, Sta Anna School, Colegio Oro Ubao, St Dominicus College, St. Franciscus College, Rosario College, Reina Beatrix, Prinses Amalia Basisschool, O.L.V. Fatima College, Pius X School, Mon Plaisir Basisschool, Cacique Macuarima, Colegio Laura Wernet-Paskel, Colegio Cristo Rey, Colegio Sagrado Curason , Colegio Santa Teresita, St. Michael School y St. Paulus School.

Si bo kier pa bo yiu move mas y no ta wak e nomber di su scol den e lista ariba, ainda su scol por inscribi pa participa.

Kickball ta un wega sumamente dibertido y facil pa hunga (manera e wega di baseball pero cu un bala cu ta scop). Pa inscribi of pa mas informacion por contact Circle K Club na circlek@ua.aw, of message na Facebook “Kickball Tournament” of telefon 592-7701 of 560-5297.

- Advertisement -

DUNA COMENTARIO

Please enter your comment!
Please enter your name here