Home Deporte E orguyo Arubiano Sarah Quita presente na e tradeshow di deporte aquatico...

E orguyo Arubiano Sarah Quita presente na e tradeshow di deporte aquatico na Düsseldorf

48
0
SHARE
- Advertisement -

ORANJESTAD (AAN)- E regatista di windsurf Arubiano Sarah-Quita Offringa diamars ultimo tawata di bishita como huesped di e organisacion di e Tradeshow di Deporte Aquatico Boot Düsseldorf. Den e stadion di e club di futbol Fortuna Düsseldorf e Arubiana di 27 aña di edad a conta na mas di 100 reportero procedente di henter Europa tocante di su gran passion cu el a comberti den su ofishi.

“Mi a cuminsa na edad di nuebe aña Sarah ta relata. Na cuminsamento mi no tawata sirbi den windsurf. Mi ruman homber mayor tawata tentami ta dal buelta rond di mi manera nada. Un aña despues mi a logra y a haya e gana di windsurf como cu e regatistanan ora nan ta ariba laman nan ta hiba bataya cu otro pero cant’i laman nan ta amigo di otro. Esey mi a haya tremendo . Bo ta bicia na windsurf , como cu ora bo subi riba e tabla y biento yena e vela bo ta gara velocidad, un sentimento magico ta drenta bo curpa y e sentimento ey ta dunami un kick tremendo cada biaha di nobo.”

SQ Offringa a conquista 15 biaha un titulo mundial di Professional Windsurfers Association den e diferente disciplina manera: Slalom, Ola y Freestyle. Actualmente e ta number #1 den freestyle despues di e eventonan na Portugal y Fuerteventura. Na cuminsamento di October proximo e ta termina e temporada di competencia na Allemania na e isla Sylt.

“Pa motibo di windsurf mi a viaha rond mundo di Islandia te Australia”, Sarah ta conta cu entusiamo. “Mi a descubri hopi lugarnan bunita cu diferente hende y culturanan cu tin un otro manera di biba y pensa.”

Sarah-Quita tin gana di competi contra e regatistanan masculino. Ya a inicia cu esey segun Sarah ora cu a logra habri caminda pa promer biaha na recompensa homber y muher igual den premiacion durante e evento na Gran Canaria.

Ariba un pantaya grandi a pasa potret di accion di Sarah-Quita y un parti di e documentario di su bida como windsurfista cu a ser filma tres anja pasa titula “Cabeibusha”. (cabei “salvahe” busha cu ta e apodo cu su tata a dunele).

Cu su prestacion Sarah-Quita a contribui na e esfuerzonan di Boot Düsseldorf pa atrae e publico hoben pa ta interesa den deporte aquatico, como e prospecto cumpradornan di boto den futuro.

E reunion di prensa tabata tin como meta pa introduci e campaña publicitario nobo “Follow the call” y pa duna un splicacion di e diferente actividadnan durante e bootshow. E actividad mas grandi na mundo den ramo di deporte aquatico cu anualmente ta atrae 250.000 bishitante ta tuma lugar pa di 50 biaha desde dia 19 te cu 27 di januari 2019.

 

- Advertisement -

DUNA COMENTARIO

Please enter your comment!
Please enter your name here