Home Salud  E problema mental mas importante na mundo ta depresion

 E problema mental mas importante na mundo ta depresion

46
0
SHARE
- Advertisement -

Segun Psikiatra Cesar Perez: Esey ta e malesa cu tin mas morbilidad

ORANJESTAD   (AAN): Aruba tin un situacion di salud mental cu mas tanto psikiatra dr. Cesar Perez ta sinti cu e parti mas importante cu nan tin cu haci ta prevencion y promocion.

Aruba ta un pais hopi chikito, el a cuminsa splica durante di e conferencia di prensa semanal di Departamento di Salud Publico. Si papia cu tin un control miho di tur e fenomenonan cu e ta ocasion, un trastorno di salud mental di comunidad.

Salud mental no ta algo cu ta un malesa. Nos tin cu wak e situacion di salud mental na Aruba, manera holistico, na un manera completo. Nos tin cu wak e famia disfuncional, nos tin cu wak e adictonan, nos tin cu wak esun cu ta sufri e malesa mental, nos tin cu wak e stress, e tension.

Nos tin cu wak hopi cos cu por pasa pa por yuda pa evita cu un personal bira malo mas dilanti. No solamente e parti di ehercicio, e parti di practica deporte, cual ta hopi bon. Pero nos mester enfoca e parti di salud mental mas holistico, mas completo. Nos tin cu wak e cos mas general pa nos por obtene un resultado manera mester ta.

Den un otro rosea, dr. Perez a splica cu e problema mental mas importante na mundo, ta depresion. Esey ta e malesa cu tin mas morbilidad. Depresion ta un malesa hopi importante. Depresion ta causa den hopi ocasion, problemanan den bida cotidiano. Un hende depresivo no por traha, no por atende bon su famia, no por yuda otro, no por comunica bon.

Un hende depresivo ta crea un problema pa e comunidad. Un hende depresivo realmente no por funciona. Un hende depresivo ta un perdida importante pa un desaroyo di un pais. Tin cu duna hopi atencion ora cu tin un depresion cu no por bay dilanti, manera cu mester funciona como tal.

Nos como ser humano, ta sinti nos mes tristo hopi biaha pa un situacion por ehempel, ora ta trata di perdida di un ser keri, ora cu nos tin problemanan economico, problema di salud. Ta un sintoma cu no ta bay den un malesa mes. Ora nos perde un ser keri, mester sufri, mester yora, sinti malo. Pero esey ta pa un tempo cortico. Depresion como malesa, mester bay di inmediato, busca un ayudo psicologico, ayudo den diferente caminda cu por hay’e. Tin e mecanismonan pa por hay’e. Bo por bay na dokter di cas mes y haya informacion.

E dokter di cas sa kico tin cu haci cubo, pa bo bay un caminda pa haya atencion. Esey ta depende di e gravedad di depresion, bo por haya un ayudo, tanto psicologico y hasta na un punto, psikiatrico. Y si ta necesario, por internabo un caminda pa yudabo cu depresion. Y, lo mas importante, e ta cura.

Tin depresion cu ta cronico, un depresion organico, pa un daño cu tin den bo cabes caba. Pero tin depresion mas tanto cu ta pa situacion. Esey ta cura. Esun mes cu no ta cura, bo por haya un compensacion cu bo por funciona normal. Aunke tin e depresion caba, bo ta sufri di esey como un malesa organico, bo tin bo salud mental.

Esey ta bisa cu bo por tin un estado di bienestar, bo por tin e contribucion pa comunidad y bo por funciona manera bo mester funciona. Pero mester di e atencion cu tin cu haya tambe, esey ta un realidad, segun dr. Perez Leon.

Tin mecanismo ta existi pa por yuda hendenan cu tin depresion. Pa mucha, pa hende grandi, pa hoben. Tin e structura, e profesionalnan disponibel pa esey. Tin e departamento social psikiatrico, tin Fundacion Respaldo, etc.

Tur eseynan ta structura cu semper tin problema di depresion cerca cualkier persona, por acerca y via dokter di cas. Ta e manera mas facil y mas lihe pa por yega na e institutonan aki. Si ta un crisis of urgencia, tambe ta atende sin bay dokter di cas mes.

 

- Advertisement -

DUNA COMENTARIO

Please enter your comment!
Please enter your name here