Home Hudicial Famia di sospechoso a busca un experto y awor sospechoso a worde...

Famia di sospechoso a busca un experto y awor sospechoso a worde declara liber

1527
0
SHARE
- Advertisement -

Door cu Fiscal a tuma un postura negativo

ORANJESTAD (AAN): Manera DIARIO a publica, e homber M.B., condena na 12 aña di prison, a worde declara liber pa Hof di Corte Superior pasobra Hof no ta haya convicente proba cu ta M.B. a mata su tanta.

FISCAL CU POSTURA NEGATIVO:

Relaciona cu e caso aki, DIARIO a papia cu tanto abogado mr. Illes como mr. Carlo, kendenan a mustra cu si no tabata pa e esfuerzo di e famia di M.B., nunca lo por a haya un second opinion di un experto patologo.

Esaki pasobra cu ora cu mr. Illes, durante tratamento di e caso den Corte den Promer Instancia, a pidi Hues pa laga busca un second opinion especialmente riba e golpinan cu e tanta a sufri, Fiscal a tuma un postura negativo. Fiscal a bisa Hues cu e no ta kere cu lo por determina riba e golpinan. Esey a haci cu Hues a nenga di via Corte nombra un experto pa haci e investigacion.

RAPORT DI EXPERTO A CONVENCE HOF:

Mr. Illes a splica na DIARIO con mester a pleita den Corte pa Hues pospone e caso pa asina busca un experto. Famia di M.B. a sera placa y a busca un experto patologo, kende contrario na opinion di Fiscal, a bisa cu si ta por determina riba golpinan bieu.

Mr. Illes a mustra cu Hof den e sentencia ta menciona e raport di e experto y cu esey a pone nan yega na e decision cu no ta M.B. ta esun cu a causa morto di su tanta.

Den su sentencia Hof ta mustra cu e experto patologo ta mustra, cu e posibilidad ta existi cu e tanta a cay y dal su cabez y esey a causa e sangramento den cabez cu a mata e tanta. Esey ta cuadra tambe cu loke M.B. a declara den Hof cu el a tende un sonido y ora el a bay wak el a haya su tanta drumi abou for di tino.

Hof ta haya cu no tin prueba convicente cu M.B. a mata su tanta y a declar’e liber. Ta bisto cu e esfuerzo di e famia pa busca un experto patologo, a duna su resultado positivo.

Riba e potret por mira Prison di KIA, cu ta e lugar unda e persona a keda mas di 2 aña encarcela posiblemente pornada.

 

- Advertisement -

DUNA COMENTARIO

Please enter your comment!
Please enter your name here