Home Parlamento Fin di siman exitoso den deporte, pero cierto partinan mester di atencion

Fin di siman exitoso den deporte, pero cierto partinan mester di atencion

17
0
SHARE
- Advertisement -

Endy Croes: Palo Marga ta e proximo cu tin cu ricibi ayudo

ORANJESTAD (AAN): Como presidente di e comision fiho den Parlamento di deporte y cultura, parlamentario Endy Croes a bishita diferente cancha deportivo den fin di siman.

Durante e conferencia di prensa di tur Dialuna di fraccion di MEP, el a duna palabranan di pabien na e organizadornan di Copa Noord, unda cu tur Diasabra y Diadomingo tin un bon ambiente y competencia durante e weganan di softball.

“Mi no por keda  sin menciona tampoco e bunita apertura di Copa Santa Cruz di Diabierna ultimo, dedica na Eddie Maduro, Roy Maduro y Francisco Franken”.

Esaki segun Croes, kende a indica cu e Copa a wordo organiza pa Buena Vista Softball Team, di cual e presidente y motor tras di e team ta Mirto Boekhoudt.

Croes a tira e prome bala pa habri e torneo oficialmente.

E parlamentario a indica tambe cu den fin di siman el a bishita ‘One Cool Summer’ na Palo Marga, unda cu e team di Corsow a bin hopi bon prepara.

E tabata contento pa wak un Palo Marga carga cu hende.

“Organizadornan sigur por a mira atras riba un evento hopi exitoso, pues palabranan di pabien tin cu bay tambe pa e comision organizador”.

Esaki segun e parlamentario, kende a sigui bisa cu e proximo cu tin cu ricibi ayudo ta Palo Marga, mirando entre otro cu debi na falta di cierto luznan, mester a uza diferente asina yama ‘Light Towers’ pa e caredanan.

“Nos lo sigui hasi apelacion na e Minister Deporte y e instancianan concerni, pa pone e placa caminda cu e placa mester ta, pa yuda nos deporte aki na Aruba”.

Esaki segun Croes, kende a duna palabranan di pabien na e seleccion di futbol di Aruba, cu a logra gana su wega di clasificacion den Nations League di Concacaf contra Bermuda Diadomingo 3-1.

- Advertisement -

DUNA COMENTARIO

Please enter your comment!
Please enter your name here