Home Parlamento Fraccion di MEP disgusta debi cu ni un hende kier carga responsabilidad...

Fraccion di MEP disgusta debi cu ni un hende kier carga responsabilidad di proyecto Hospital

46
0
SHARE
- Advertisement -

Camber di operacion cera y leakmento di diesel te ainda:

ORANJESTAD (AAN) – Den sede di MEP na Santa Cruz, a tuma lugar e conferencia di prensa di fraccion di MEP, Diaranzon mainta.

Parlamentario sr. Hendrick Tevreden a referi na e problema cu tin na Hospital dr. Horacio Oduber, cu un bez mas tin leakmento di diesel, locual tin e fraccion masha disgusta mes, y no solamente esey sino cu camber di operacion ta cera y te ainda e proyecto no a wordo termina y entrega door di Arellano.

Tevreden a subraya cu a yega ora pa soluciona e situacion aki.

Den un proyecto asina grandi unda varios miyon florin a wordo inyecta, cu pueblo di Aruba tin cu bay paga, tin un problema cu mester wordo atendi mas pronto posible.

Pa mas cu un aña caba e proyecto no por keda cla, el a pega, y desde e tratamento di presupuesto cu a wordo pasa caba, a puntra pa un investigacion cu mester tuma lugar riba dje.

Segun e parlamentario, revisando tur e papelnan desde inicio, cu Parlamento ricibi, a tuma nota cu e compania Frances Bouygues  y e compania Arellano, a participa den destaho publico.

Arellano ta un compania relativamente Novato, sr.Tevreden ta acentua. No tin experiencia riba construccion di hospitalnan rond mundo, locual Bouygues si tin. No obstante, durante e Gabinete Mike Eman II Arellano a gana e bidding pa cuminza construi e hospital.

E Parlamentario a indica cu Arellano a pone den su rapport cu nan lo tin 5% di trabao extra garantiza, pero Bouygues a pone cu nan lo tin 0% di trabao extra, door cu nan tin hopi experiencia den trabaonan asina rond mundo y nan a garantiza Aruba di entrega nan trabao sin trabao extra.

E bidding a bay door, y e ex-mandatarionan di AVP a scoge pa duna Arellano e proyecto. Na opinion di Parlamentario Tevreden ta kere cu akinan “tin gato encerrado”.

Parlamentario Treveden a subraya cu el a bay pa “mas placa” y no pa extra trabao, pasobra te cu awe e proyecto no por wordo entrega, te cu awe tin problema cu camber di operacion, y te cu awe tin un boiler cu ta leak diesel.

Papiando cu Minister di Salud e fraccion a pidi pa un investigacion forensic riba esaki y tin entendi cu esaki ta andando y nan ta wardando riba e resultado final, pa wak kico ta e paso cu ta bay sigui y cu ta sali for di e investigacion aki.

E parlamentario a subraya cu nan a yega na e punto di bista cu no por acepta esaki mas, pasobra:

  1. E camber di operacion ta cera y esey ta costa placa.
  2. E personal di hospital ta wordo afecta pa e holo di diesel cu consecuencia cu algun ta bira malo y tin cu no por bin traha, y 3. E cuido di pacientnan tambe ta wordo perhudica.

Kiermen e perdida financiero serio, di extra miyones, cu pais Aruba tin di paga pa na final e proyecto wordo entrega, pero prome ta perde tempo, calidad di servicio, y mas placa pasobra e proyecto aki no a wordo entrega ainda.

Fraccion di MEP a splica e mandatario cu esaki no ta aceptable mas, y el a contesta cu e ta sperando riba e cambionan di AZV finaliza, pa asina por sigui pa paga e investigacion forensic  y djey e fraccion di MEP kier mira e resultado pa sa na final ken ta wordo poni responsable pa e proyecto aki: SOGA no ta mustra di kier carga esaki, e project leiding di HOH tampoco, y mesun cos ta conta pa Arellano y e ex-minister di tempo cu el a entrega su computernan nan no sa unda e ta, pero di hecho un hende mester carga e responsabilidad aki, debi cu pueblo di Aruba a confia e gobierno anterior pa e construccion di Hospital y nan no a cumpli.

 

 

- Advertisement -

DUNA COMENTARIO

Please enter your comment!
Please enter your name here